افغانستان په نړۍ کې د ماشومانو د تلفاتو تر ټولو لوړ رقم لري

449

د ملګرو ملتونو سازمان د ماشومانو د ملاتړ صندوق (یونیسف) اعلان کړی دی چې افغانستان په نړۍ کې د ماشومانو د تلفاتو تر ټولو لوړ شمیر لري. یوازې په دې وروستیو ورځو کې په دغه هیواد کې لږ تر لږه ۱۹ ماشومان وژل شوي.

د رسمي شمیرو له مخې په تیرو څلورو ورځو کې د ناچاودي مهماتو په پيښو او بریدونو کې ۱۹ تنه ماشومانو خپل ژوند له لاسه ورکړی دی.

د طالبانو د پولیسو ویاند عبیدالله عابدي، له آلمان خبري آژانس سره په خبرو کې وویل چې د کندز ولایت په باغ میر سیمه کې دوو ماشومانو په داسې حال کې چې د هوان له یوه ناچاودلي مرمۍ سره یي لوبې کولې د انفجار په پایله خپل ژوند له لاسه ورکړی دی. په دغه پيښه کې یو بل ماشومان ټپي شوی هم دی.

یونیسف یا د ملګرو ملتونو سازمان د ماشومانو د ملاتړ صندوق ویلي دي چې ۱۶ نور ماشومان په کابل او مزار شریف ښارونو کې د چهارشنبې ورځې په بریدونو کې وژل شوي دي. په دغو بریدونو کې د دری ميني بسونو مسافر او د یوه جومات لمونځ کوونکي په نښه شوي وو.

یوه ورځ مخکې تر هغې په روزګان ولایت کې یو بل ماشوم د چاودیدونکو موادو د انفجار په نتیجه کې خپل ژوند له لاسه ورکړی و.

د جمعې په ورځ په افغانستان کې د یونیسف استازي محمد آګ آیویا، په دغه هیواد کې د ماشومانو پر وړاندې «شدیدو تخلفاتو» ته د پای ايښودلو غوښتنه وکړه. په دغه هیواد کې دوامداره بریدونه او د تیرو څه باندې څلورو لسیزو جګړو پاتې شونو ماشومانو او تنکیو ځوانانو ته ډیر زیانونه اړولي دي.

آیویا وویل: «ماشومان نه باید د لویانو د جنګونو بیه پرې کړي. تل باید د ماشومانو ساتنه وشي.»

په تیرو څو میاشتو کې د یو لړ پرله پسې چاودنو په پایله کې چې په کابل کې په یو روزنیز مرکز او یوې لیسې رامنځته شول لږ تر لږه ۹ تنو ماشومانو په کې خپل ژوند له لاسه ورکړ او لسګونو نور ټپیان شول.

د یونیسف د رپوټ پر بنسټ، افغانستان له ۲۰۰۵م کال را په دیخوا تر اوسه پورې د ماشومانو د وژل کیدو له تر ۲۸۵۰۰ ډیرو  پيښو سره په نړۍ کې د ماشومانو د تلفاتو تر ټولو لوړ رقم لري.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.