ازبکستان: د کاراکالپاکستان د اوسېدونکو او پوليسو ترمنځ شخړه کې تر زرو ډېر کسان ژوبل شوي
ازبکستان: د کاراکالپاکستان د اوسېدونکو او پوليسو ترمنځ شخړه کې تر زرو ډېر کسان ژوبل شوي
په ازبکستان کې د کاراکالپاکستان/ قره قالپاګستان خودمختاره سیمې د اوسیدونکو او پولیسو تر منځ په اخ او ډب کې تر زرو زیات کسان ژوبل شوي دي.
د دې سیمې خلک د ازبکستان د مرکزي دولت د هغه پلان پر ضد پاڅېدل چې له مخې به یې قانوني تغیرات رامنځته او د یادې سیمې خپلواک حیثیت به پکې ړنګېده.
د ازبکستان ولسمشر شوکت میرضیایف منلې چې په ناکراریو کې امنیتي ځواکونه او عام خلک ژوبل شوي دي.
هغه دقیق شمېر نه دی یاد کړی خو په ځينو راپورونو کې بیا د لږ تر لږه زرو تنو د ټپي کېدو یادونه شوې.
رویټرز اژانس د پنځو کسانو مړینه هم راپور کړې ده.
د اعتراضونو په خاطر د چټک غبرګون په هدف د ازبکستان ولسمشر شوکت میرضیایف شنبه قره قالپاقستان ته تللی و او هلته یې وویل چې د وړاندیز شویو اصلاحاتو څخه باید د دې سیمې د حیثیت د بدلون طرحه لرې شي.
دولت یو میاشتنی بېړنی حالت هم اعلان کړی دی.
د قره قالپاقستان خودمختاره جمهوریت چارواکي چې د مرکزي دولت ملاتړي دي مظاهره چیان بلواګر بللي او ویلي یې دي چې هڅه کوي دولتي ودانۍ په زور ونیسي.
قراقالپاګستان چې شاوخوا دوه میلیونه نفوس لري په دې سیمه کې ځان ته ژبه لري او په ازبکستان کې دننه خودمختاره جمهوریت دی.
د ازبکستان ولسمشر بیا ژمنه کړې چې د دې سیمې ژبه به نه بدلوي.
له ازبکستانه چې په رسنیو محدودیت لګېدلی د اوسنیو ناکراریو او مظاهرو پر مهال د ژوبلو شویو او بندیانو شویو کسانو د دقیق شمېر په اړه کره معلومات نه خپریږي.
خو راپورونو کې راغلي چې د خودمختاره سیمې د پلازمطنې نیکوس یو فعال او ژورنالېست دولیتمرات تزیموراتوف چې مظاهرې یې پلان او رهبري کړي له خپل کوره تري تم کړای شوی دی.
لسګونه نور کسان هم د راپورونو له مخې زندان ته اچول شوي دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.