د ط.. البانو حکومت ته نور د پای ټکه ایښودل

د ط.. البانو د راستنېدو په څو لومړیو میاشتو کې، دا وېره وه چې امریکا او متحدان به یې د دوحـ.ـ. ې د مرموزې هوکړې له مخې ط.. البان په رسمیت وپېژني او هغه ډله به په ظاهر ټولشموله حکومت په برخه کې له فشار سره مخ کړي.

اوس چې د ط.. البانو د استبداد یو کلنۍ ته رسېږو، یوه بله وېره هم په راپورته کېدو ده، دا چې افغانستان د ډیپلوماسۍ په تورتم کې ساتل کېږي او زبرځواکونه او د سیمې بانفوذه هېوادونه بې له دې چې وګوري د دې وطن وګړي څه زغمي، هر څه ترسره کړل.

د امریکا لوړپوړو پخواني چارواکو جیمز دابینز او زلمي خلیلزاد په وروستیو مرکو کې د افغانستان تورتم راتلونکی ترسیم کړی دی.

خلیلزاد وویل، چې امریکا د ط.. البانو رسمیت پېژندلو ته نیت نه لري او دابینز وویل، چې د هغه او همفکرو وړاندیز دا دی، چې له ط.. البانو سره تعامل وشي.

دابینز وویل، په دې شرط چې پر دې ډلې فشار وساتل شي او د اړتیا په صورت کې یې حاکمیت له منځه یووړل شي.

 دا کسان له سپینې ماڼۍ څخه په ناخبرۍ کې دا خبرې نه کوي او تر ډېره د امریکا د ټولیز سیاست له مخې غږېږي.

نور هېوادونه هم ورته سیاست مخکې بیايي. ګاونډي هېوادونه له افغانستان سره د اوبو، ډبرو سکرو او نورو معدنونو په سر تعامل کوي.

 نن سبا ایران غواړي چې ط.. البان د اوبو هوکړې عملي کولو ته اړ کړي.

 پاکستان دغه هېواد ته د ډبرو سکرو پر لېږد خوښ دی. هند، چین او روسیې هم هر یو له ط.. البانو سره تعامل ته یو کانال لري، چې له دې سره له دغه بې خاونده هېواد څخه محروم نه شي.