هغه کسان چې مطالعه کوي تر نورو به یې عمر زيات وي

هغه کسان چې مطالعه کوي تر نورو به یې عمر زيات وي!

د Yale  پوهنتون څېړونکو په خپل نوي تحقيق کې جوته کړې ده ، هغه کسان چې کتابونه لولي په عمومي ډول له نورو ۲ کاله ډېر عمر کوي، څېړونکو په دې څېړنه کې له ۳۶۳۵ کسانو څخه چې عمرونه يې له ۵۰ کلونو اوښتي وو، د کتاب لوستنې د عادتونو په باره کې وپوښتل،  او دوی يې د مطالعې په برخه کې تر هر اړخيزې څېړنې لاندې ونيول .او بيا یې ګډونوال  په دريو برخو وويشل: لومړی ډله چې کتاب نه لولي، دويمه ډله چې په ورځني ډول ۳۰ دقيقې کتاب لولي، او درېیمه ډله چې په اوونۍ کې دری نيم ساعته مطالعه کوي.

څېړنو وښودله هغه کسان چې دری نيم ساعته کتب لولي  په يوه ۱۲ کلن عمر کې  ۲۳ فيصده کم له نورو دوو ډلو څخه چې لږ کتاب لولي مړه شوي وو.

څېړونکي وايي: د ورځپاڼو، مجلو، او خپرونو لوستل د عمر له اوږدوالي سره تړاو لري  او د رومانونو له لوستلو سره  د ماغو د تحريک، تقويې، منطق او برداشت برخه قوي کېږي.

دوی زياتوي چې تعليم يافته  او شتنمې مېرمنې تر نورو ډېر د کتاب لوستلو شوقيانې دي.

ددې څېړنې مشر پروفيسر او د ېلي پوهنتون استاد Avni Bavishiوايي هغه کسان چې روزانه له نيم ساعت ډېره مطالعه کوي د دوی په ژوند به مطالعه جوته، ژوره او ښه اغېزه وکړي.

ياده دې وي چې دا څېړنه د جنس، روغتيا ، زده کړو او شتمنۍ پربنسټ نه ده شوې