په افغانستان کې کلورا ته ورته ناروغۍ خلک اندېښمن کړي

صفت الله زاهدي

516
5 ساعتونه مخکې

په زابل، هلمند، نیمروز، روزګان او نورستان کې د کولرا ناروغۍ له زیاتیدو سره د خلکو اندېښنې زیاتې سوي. خو د طالبانو د عامې روغتیا وزارت وايي چي دغه ناروغي يې کنټرول کړې ده.

د نورستان ولایت په څلورو ولسوالیو کامدېش، وانټ‌وایګل، دواب او نورګرام ولسوالیو کې سلګونه کسان په کولرا ناروغۍ اخته سوي چې د سیمې اوسیدونکې وایې دوه کسان د دې ناروغي له امله مړه سوي هم دي.

 د هلمند ولایت د نادعلې ولسوالۍ  اوسیدونکې محمد لعل دویچه ویله ته وویل: «له تیرو څو اونیو راهیسې دا ناروغي اوس لږ سوې ده، خو مخکې ډېره زیاته وه، له یوي خوا ګرمي وه او له بل لوري پاکې اوبه نسته د ځمکې اوبه کښته سوي او خلک ناپاکې اوبه څښې.»

د زابل اوسیدونکې محمد هوتک دویچه ویله ته وویل چې په زابل کې دا ناروغي دومره ډیره سوي چې ماشومان یې د مرګ تر حده رسولي او د دوی د کورنۍ غړي هم په اخته سوي وه.

هغه وویل: «دلته د سیلابونو وروسته پاکي اوبه نشته نو دا ناروغي دومره ډېره سوي ده چې خلک یې ډیري ناروغه کړي، او خلک پاکو اوبو ته لاس رسۍ نه لري.»

د افغانستان په ډیرو سیمو کې روغتیايي خدماتو ته لاس نه شته
د افغانستان په ډیرو سیمو کې روغتیايي خدماتو ته لاس نه شتهانځور: JORGE SILVA/REUTERS

ده زیاته کړه: «له دولته غواړو چې د خلکو له پاره د پاکو اوبو غمه وخوري ترڅو خلک له دي ناروغي څخه خلاص سي او دلته د اوبو د استعمال په طریقه نه پوهیږي چې څه ډول اوبه پاکي کړي، ځکه د خلکو سره دومره وس او طاقت نشته چې کلورین او یا هم فلټر اوبه وڅښي.»

نوموړی وایي، د وروستیو سېلابونو له امله په یادو ولسوالیو کې د څښاک اوبه ککړې شوې چې له امله یې سلګونه کسان په کولرا  ناروغۍ اخته سوي دي او دغه ناروغۍ اوس هم د چټکۍ په حال کې ده.

د طالبانو د عامې روغتیا وزارت ویاند ډاکټر شرافت زمان دویچه ویله ته ومنله چې د هیواد په ځينو سیمو کې د سختو اسهالاتو ناروغي پیدا سوي خو وایې دغه ناروغې یې کنټرول کړي ده.

هغه وایې: «په هیواد کې د سختو اسهالاتو پیښې ډیري سوي دي، خو هلته زموږ روغتیایي پرسونل رسیدلی او د دې ناروغي د کنټرول له پاره لاس په کار سوي دي او هلته مو درمل او نور هرڅه رسولي دې.»

د طالبانو له بیا واکمنیدو راهیسې په افغانستان کې د خلکو اقتصادي وضعیت خراب شوی
د طالبانو له بیا واکمنیدو راهیسې په افغانستان کې د خلکو اقتصادي وضعیت خراب شویانځور: WAKIL KOHSAR/AFP

ډاکټرزمان وویل: «په دغي ناروغي باندي ماشومان، ښځې او لویان اخته سوي دي خو موږ د دي ناروغي په پرتله د مړیني واقعات نه لرو چې دا لویه خبره ده.»

د طالبانو د عامې روغتیا وزارت وایې چي له هغه وروسته چې په ولایتونو کې یاده ناروغي خپره سوې ټولو ولسوالیو ته یې روغتیايي ټیمونه له دارو درملو سره یو ځای لېږلي او اوس یې دا ناروغي مهار کړې ده.

دا په داسې حال کې ده چې په دې وروستیو کې د افغانستان په بیلابیلو ولایتونو کې د سېلابونو له کبله د کولرا ناروغي د خپریدو خبر ورکړل سو او سلګونه کسان په یادې ناروغۍ هم اخته سوي.

په تیرو څو  میاشتو کې په هلمند او کندهار کې تر پنځوسو زیات کسان د دي ناروغي له امله مړه سوي دي.

روغتیاپالان سپارښتنه کوي چې خلک دي د پاکو اوبو ترڅنګ د څښاک په اوبو کې کلورین ګډ او استعمال کړي، ترڅو د یادي ناروغي څخه یې د کورنۍ غړي او ماشومان خوندي وساتل سې.

دویچه ویله

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.