ډونلډ ټرمپ چې د پنجشنبې په ورځ یې د انتخاباتي غونډو په لړ کي يوې غونډې ته وینا کوله وویل، هغه وسلې او نظامي تجهیزات چې د ده د واکمنۍ پر مهال رانيول شوي ول، له افغانستانه د وتلو پر مهال پرېښودل شول او دا چې هغه وسلې او نظامي تجهیزات اوس طالبان پلوري.
ټرمپ وویل، افغانستان دا مهال د نړۍ په کچه د وسلو او نظامي تجهیزاتو د پلور «دویم یا دریم» هېواد دی.
هغه زیاته کړه: «هغه تجهیزات چې ما رانيولي ول، هغوی [د بایډن حکومت] په افغانستان کې پرېښودل. په افغانستان کې اوس طالبان دي او دا هېواد په نړۍ کې د نظامي تجهیزاتو د پلور دویم یا دریم هېواد دی. هغوی [طالبان] دا ګران بیه توکي پلوري او زیاتې پیسې تر لاسه کوي. ځکه هغوی ۷۰۰،۰۰۰ زرو ټوپکو ته اړتیا نه لري. هغوی ۷۷زره نظامي ټرکونو او موټرو ته اړتیا نه لري.»
ډونلډ ټرمپ په دغې غونډې کې خلکو ته په خطاب کې وویل: «تاسې زموږ د تاریخ د تر ټولو شرموونکې شېبې په اړه فکر وکړئ. زموږ د هېواد له پاره د تاریخ تر ټولو شرموونکې شېبه وه، چې موږ له هغه ځایه ووتلو. دا ضعف و. موږ به وتلو؛ خو په وقار او عزت سره به وتلو.»
هغه وویل، اړتیا وه چې دا ټول پوځي تجهیزات او وسلې باید له افغانستانه ایستل شوي وای؛ خو هغه پرېښودل شوې.
بل پلو د طالبانو د دفاع او کورنیو چارو وزیرانو تازه ویلي دي چې په افغانستان کې ټولې وسلې او نظامي تجهیزات خوندي او ډاډ ورکوي، چې په «ښه ډول» به یې ساتنه وکړي.
د طالبانو د دفاع وزیر مولوي یعقوب مجاهد وویل: «وسایل هم الحمدلله خوندي دي. اسلحې هم خوندي دي. نظامي میدانونه هم خوندي دي. طیارې هم خوندي دي. هر څه خوندي دي. هېڅوک دې تشویش نه کوي. څه چې پاتې شوي دا غنیمت دی، د بیت المال مال دی او موږ یې ساتنه کوو.»
بل پلو د جمهوري حکومت پر مهال پاکستان کې افغان سفیر عمر داودزي دویچه ویله ته وویل، د طالبانو له واکمنۍ راوروسته د دوی د حکومت وسلې له ټي ټي پي او یو شمېر نورو وسله والو ډلو سره لیدل شوي دي.
هغه وویل: «له ټي ټي پي سره د دوی اسلحه لیدل کېږي. یا په منطقه کې له نورو تروریستي ګروپونو سره د دوی اسلحه لیدل کېږي.»
امریکايي پوځیان د ۲۰۲۱ کال په اګست میاشت کې له افغانستانه ووتل او طالبان د دویم ځل له پاره پر دغې هېواد واکمن شول.
له دغې هېواد څخه د امریکا تر وتلو وروسته وسلې، ټانکونه، نظامي موټر، مهمات او ګڼ نور نظامي تجهیزات له امریکا او پخواني حکومت څخه طالبانو ته پاتې شوې؛ چې د ټرمپ تر څرګندونو وړاندې یې هم د پلور او سمبالښت په اړه اندېښنې موجودې وې.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.