په اعلاميه کې ويل شوي دي چې د پاسپورت متقاضیان دې تر راتلونکې خبرتيا پورې دغې ادارې ته نه ورځي.
په اعلامېه کې زیاته شوې، څرنګه چې په ورځ کې د څلور زرو تر پنځه زرو پورې پاسپورتونه د کابل د متقاضیانو له پاره چاپ او توزیع کېدل، د چاپ ماشینونه او نور تخنيکي وسایل د وخت په تېرېدو سره له کاره لوېدلي چې ترميم ته اړتیا لري. په اعلامېه کې زیاته شوې چې د دغو وسایلو ترمیم وخت ته اړتیا لري او تر هغه وخته به د پاسپورت د ويش لړۍ درول شوي وي.
د دویچه ویله د یو رپوټ پر اساس، د پاسپورت ادارې له خوا د پاسپورت د ويش لړۍ تر درېدو مخکې، خلکو د پاسپورت د ترلاسه کولو له پاره په میاشتو میاشتو انتظار وښکه او ځینو خلکو بيا د ډيرو پېسو په بدل کې پاسپورت ترلاسه کاوه.
په ټولنیزو رسنیو کې د طالبانو دغه اقدام ته غبرګونونه ښودل شوي دي. د سمیع يوسفزي په نوم يو خبریال پر خپل ټويټر ليکلي دي چې د پاسپورت لرل د خلکو اساسي حق دی. د هغه د ټويټ په یوه برخه کې راغلي: «د طالبانو یو شمير رهبران فکر کوي چې ټول خلک تېښته کوي او په خارج کې بې ایمانه کيږي.»
په افغانستان کې د طالبانو تر واکمنېدو وروسته، په افغانستان کې د پاسپورت ترلاسه کولو تقاضا د هرې ورځې په تيرېدو مخ په ډيرېدو ده. طالبانو په وروستي يو کال کې څو ځله د پاسپورت د ويش لړۍ په مختلفو دلیلونو درولې ده. په وروستیو میاشتو کې يوازې په کابل کې پاسپورتونه ورکول کېدل.
د پاسپورت رياست د معلوماتو پر اساس، د تیرو يوولس میاشتو په جريان کې له ۷۰۰زرو ډيرو کسانو پاسپورتونه ترلاسه کړي او ۷۰۰زره نورو په آنلاین بڼه ورته نوم ليکنه کړې او د خپلو پاسپورتونو د ترلاسه کولو له پاره انتظار باسي.
د پاسپورت ادارې څه موده مخکې ويلي وو چې دغه اداره د پاسپورت له کمښت سره مخ نه ده او لتوانیا هیواد ورته ۳ میلیونه پاسپورتونه چاپ کړي چې په پام کې ده ډير ژر افغانستان ته ورسیږي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.