د افغانستان لپاره د اروپايي ټولنې ځانګړي استازي توماس نیکلاسون پرون اروپايي پارلمان ته د وینا پر مهال ویلي، په وروستي یوه کال کې شاوخوا ۱.۳ میلیونه افغانان ایران او پاکستان ته کډوال شوي دي.
توماس نېکلاسون ویلي چې دغه شمېر افغانان د ۲۰۲۱ کال له اګسټ څخه د ۲۰۲۲ کال تر سپټمبر میاشتې پورې د افغانستان ګاونډیو هېوادونو ته ګډه شوي دي.
د افغانستان لپاره د اروپايي ټولنې ځانګړي استازي همداراز زیاته کړې چې ښايي اصلي شمېرې له دې هم زیاتې وي.
نوموړي ویلي: «د ۲۰۲۱ کال اګسټ میاشت څخه د ۲۰۲۲ کال سپټمبر پورې ۱.۳ میلیونه افغان پناهغوښتونکي تازه د افغانستان ګاونډیو هېواودنو ته تللي، چې یو میلیون یې ایران او ۲۵۰ زره یې پاکستان ته تللي دي. ښايي واقعي شمېرې تر دې هم زیاتې وي.»
له دې سره داسې رپوټونه هم ورکړل شوي چې ايران، پاکستان، ترکيې او ګڼو نورو هېوادونو کې افغان کډوال بېلابېلو ستونزو سره مخ دي چې اعتراضونه یې هم کړي دي.
خو د اسلامي امارت د کډوالو او بېرته راستنېدونکو چارو وزارت ویاند عبدالمطلب حقاني سلاموطندار ته ویلي، هڅه کوي ګاونډیو هېوادونو سره د خبرو له لارې د افغان پناهغوښتونکو ستونزو ته لاسرسی وکړي.
نوموړي وویل: «د قانوني اسنادو نشتون، کار او زدهکړو ته اجازه نه ورکول، ګاونډیو هېوادونو کې د افغانانو له لویو ستونزو څخه دي. اسلامي امارت هڅه کوي چې د یادو هېوادونو له چارواکو سره دغه ستونزې د خبرو له لارې حل کړي.»
د یادونې ده چې د کډوالو چارو وزارت تر دې وړاندې ویلي و چې دې وروستیو اوونیو کې څه باندې ۳۰ زره کسان بېرته هېواد ته را ستانه شوي چې له ډلې یې ۱۲ زره په اجباري توګه ګاونډیو هېوادونو څخه اېستل شوي دي.
دا داسې مهال دی چې نړۍ کې د امنیت د احساس څانګې افغانستان د نړۍ تر ټولو ناامنه هېواد بللی دی. د ګالوپ په نوم څېړنیز بنسټ هم د یوې سروې پایلې خپرې کړي چې پر اساس یې سنګاپور د نړۍ په کچه تر ټولو امن او افغانستان بیا ناامنه هېواد معرفي شوی دی.
سلام وطندار
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.