بهرنیو چارو وزارت وایي، ا.ا د واقعيتونو د موندنې او انعکاس پر اهميت ټينګ باور لري او د دغې موخې د تحقق لپاره يې رسنيو او کارکوونکو ته د فعاليت د اجازې تر څنګ اړينو معلوماتو او د هيواد هرې سيمې ته د لاسرسي مساعد کاري چاپيريال برابر کړی دی. د بهرنیو چارو وزارت لخوا په خپره شوې اعلامیه کې راغلي، چې اوس مهال په هيواد کې له ۲۷۰ زياتې داخلي رسنۍ فعاليت کوي. اعلامیه زیاتوي، پر دې سربېره په هيواد کې ۱۴ بهرنۍ رسنيزې شبکې دايمي شتون لري او د ۱۴۰۱ کال له پيل را پدېخوا تر اوسه د اسيا، اروپا، امريکا او استراليا لويو وچو اړوندو بېلابېلو هيوادونو څخه د ۱۹۶ رسنيزو شبکو اړوند تر ۷۰۰ زياتو بهرنيو ژورناليستانو ته د راتګ او راپور جوړونې اسانتياوې برابرې شوې دي. په دې خپره شوې اعلامیه کې راغلي، چې ا.ا ټولو رسنيو ته د اسلامي ارزښتونو او ملي ګټو سره سم د مسلکي چلند په چوکاټ کې د آزادانه فعاليت او خونديتوب ډاډ ورکوي. بهرنیو چارو وزارت دغه راز زیاتوي، چې د ا.ا تر راتګ وروسته تر اوسه هېڅ خبریال نه دی وژل شوی او نه هم د رسنیو استازي او مراکز له امنیتي ننګونو سره مخ شوي دي. دا په داسې حال کې ده چې په افغانستان کې د ملګرو ملتونو سياسي استازولي يا يوناما وايي چې واک ته د ا.ا تر رسيدو وروسته يې له خبريالانو سره د تاوتريخوالي ۲۰۰ قضیې ثبت کړې دي. يوناما پرون د خبريالانو پر وړاندې د جرمونو د معافيت د پای ته رسولو نړيوالې ورځې په مناسبت ويلي چې په ثبت شويو قضيو کې د خبريالانو خپلسرسې نيونې، له خبريالانو سره ناوړه چلند، د خبريالانو ګواښل او ويرول شامل دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.