هغه د خپلې کورنۍ سره د شوي چلند پر اساس، د شنبې په ورځ په لاهور کې يوه خبرې غونډه راغوښتې وه او د هغې ويډيو په هکله يې معلومات ورکړل چې د هغه کورنۍ ته استول شوې ده.
د خپرو شوو رپوټونو مطابق، سواتي په دغه خبري ناسته کې وژړل او ويې ويل چی دی له خپل ولس، خويندو او لوڼو څخه شرميږي، چې ورسره د شوي بد چلند په اړه خبرې کوي.
د ايم ايم نيوز په نوم ويب پاڼې په دې هکله خپاره شوي رپوټ کې وايي، سواتي په داسې حال کې چې له سترګو يې اوښکې بهېدې خبريالانو ته يې وويل چې دغه ويډيو په کوېټه کې د قضايي مجتمع پر مهال اخیستل شوې ده. رپوټ زياتوي چې هلته د سواتي د اوسيدو ځای بند وبست، د پاکستان د سنا مشر، صادق سنجراني له خوا نيول شوی وو. سواتي وويل چې د شخصي حريم تر نقض کېدو وروسته يې ميرمن اړه شوه چې له هيواده ووځي.
مخفي کامرې
د پاکستان د تحریک انصاف ګوند وتلي غړي، فواد چوهدري، د دغې موضوع په تړاو پر ټويټر ليکلي دي، «داسې ښکاري چې د سوپريم کورټ په ميلمستون کې مخفي کامرې لګول شوي دي.» هغه زیاته کړې ده چې د صدارعظم له دفتر څخه نيولې د عدليې د لوړپوړو قاضيانو شخصي ويډيوګانې اخیستل شوي او دا یو «المناک وضعیت دی.»
بي بي سي هم په دې تړاو تفصيلي رپوټ خپور کړی. په دغه رپوټ راغلي چې، سواتي په دغه خبري غونډه کې ادعا وکړه چې «ښځې ته يې له يوه نامعلوم نمبر څخه د ده او د مېرمنې شخصي ويډیو ليږل شوې ده.»
په رپوټ کې زياته شوې چې د تحریک انصاف ګوند دغه مطرح غړي تر خپلې وينا وروسته د پاکستان پوځ مخاطب وګرځاوه او ويې ويل: «که ما سره مو دښمنې وه نو زما د لوڼو او مېرمنې څه ګناه وه چې دوی باید ستاسې د ناوړه پالیسۍ له کبله وطن پریږدي.»
د پاکستان پوځ او استخبارات
رپوټ زیاتوي که څه هم اعظم سواتي په خپلو خبرو کې په ښکاره د کوم چا نوم یاد نه کړ او ويې نه ويل چې دغه ويډيو چا ثبت کړې خو هغه په خپلو خبرو کې په کراتو د «پاکستان پوځ او استخباراتي اداره یا ای اېس ای» مخاطب کوله. هغه ټينګار وکړ چې په دا ډول کړنو سره «د پاکستان هر ماشوم به له پوځي لباسه نفرت وکړي.«
بي بي سې د سواتي له قوله ليکي چې هغه وويل، «د فوځ په درېشۍ سمبال دې کسانو چې نور څه ونه موندل نو زما او زما د ښځې خپل منځي ویډيو یې» وايستله.
زیاته شوې چې د پاکستان دغه پښتون سیاستوال او په سنا کې د عمران خان د ګوند استازی، تر دې مخکې د پاکستان د ريلوې، مخدره موادو پر وړاندې د مبارزې او د ساینس او تکنالوژۍ وزير په توګه هم پاتې شوی دی.
د عمران خان غبرګون او په ټولنیزو رسنیو هشتګ
تر دې مخکې د پاکستان تحریک انصاف ګوند مشر، عمران خان د «سناتور اعظم سواتي د ميرمنې د شخصي حريم تاوتریخوالی غندلی وو» او له مشر قاضي څخه يې د لازمو اقداماتو غوښتنه کړې ده.عمران خان پر ټويټر د اعظم سواتي له مېرمنې سر پر شوي چلند خپګان ښودلی دی او بخښنه ېې غوښتې ده چې هغه «اړ شوی تر څو د دغه فساد، اذیت، توهین او ذلت ناروا بار پر اوږو پورته کړي.»
زياته شوې چې د اعظم سواتي کورنۍ سره د شوي تاوتريخوالي موضوع اوس په ټولنیزو رسنيو کې پر يو هشتګ باندې اوښتې ده.
د عمران خان «لانګ مارش»
د عمران خان د ګوند له یو مشر سره د کورني تاوتريخوالي دغه پېښه داسې وخت رسنیزه کيږي چې عمران خان یو ځل بيا له لاهور څخه د اسلام آباد پر لور ستر احتجاجونه يا «لانګ مارش» پيل کړی دی. خان د دغو احتجاجونو په اوږدو کې د پنجشنبې په ورځ په وزير آباد سیمه کې تر یو وسله وال برید لاندې راغی چې هغه پکې په پښه ټپي شو.
خان له واکه تر لرې کېدو وروسته د نوي حکومت خلاف غږ پورته کړی، چې په خپلو خبرو کې د شهباز شریف په مشرۍ د پاکستان اوسنی حکومت لاسپوڅی او وارد شوی حکومت بولي او د انتخاباتو ترسره کولو غوښتنه کوي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.