د سور لبلبو ځواک او ګټې

دا نبات لږ کالوري لري او ورسره د انرژۍ او ځواک يوه بډايه سرچينه ده.
۱ـ لبلبو ځيګر ته ډيره ګټه رسوي، د دغه نبات رنګ له ځيګر څخه غوړ او زهري مواد پاکوي. سور رنګه لبلبو د تریخې يا (کيسه صفرا) ځواک زياتوي او په بدن کي د کلسترولو کچه ټيټوي.
۲ـ لبلبو حجرې ژغوري، سور لبلبو ډير اکسيدانت لري، چې دا د حجرو او رګونو په ساتنه او بيا رغاونه کې مرسته کوی او د زړه ځواک زياتوي.
۳ـ لبلبو انسان بيدار ساتي، سور لبلبو په پراخه کچه اوسپنه او د فاليک اسید لري. دغه دواړه د انسان په بدن کې د ويني په جوړښت او د نويو حجرو په رامنځ ته کولو کې ډير اړين دي، دغه راز ستړيا اوسستوالې له منځه وړي.

۴- لبلبو هډوکي ځواکمنوي، د سور لبلبو پاڼې د هډوکو کلکوالي له پاره لا زيات کلسیم لري، چې ښې خوندوري هم دي.
۵ ـ فعالعيت زياتوی، د ورزشکارانو په منځ کي وروستۍ څيړنې ښودلې: چې هره ورځ په پرله پسې ډول د سور لبلبو خوراک، د بیلګې په توګه اوبه يا د جوس سکل يې، کولې شي په رګونو کې د وينی بهيدل پراخ او فشار يې کم کړي.
په دې ډول به د بدن غړو ته په ښه توګه اکسیجن ورسیږي.
په ياده څيړنه کې راغلي، که تاسې غواړئ چې د ویني فشار مو سم او په هاضمي سيستم کې ستونزه ونه لرئ، په وینه کي مو غوړ يا کلسترول ټيټ شي، نو د خپل ورځني ژوند په خوړو کې مو سور لبلبو شامل کړئ.