موږ ولې درواغ وایو؟

عبدالرحمن احمدزی

360

څنګه یې؟

ښه یم…

همدا اوس مې یادولې …

ستا له خبرې وړاندې مي ذهن کې و چې درته ووایم…

ستا له زنګ وړاندې مې غوښتل زنګ درته ووهم…

دا هغه ورځني درواغ دي چې موږ یې یا خپله وایو او یا نور وینو چې درواغ راته وایي، مشکله ده چې موږ په نن سبا دور کې داسي څوک پیدا کړو چې هغه دې درواغ ونه وایي.

دلته د درواغو په تاوانونو او ګټو نه غږیږو خو په دې بحث کوو چې ولې درواغ وایو؟

د درواغو علتونه زیات دي خو موږ یې هغه بیانوو چې زموږ ټولنه ورسره لاس او ګریوان ده.

  • ۱- ځان ساتنه

تر ټولو ډیر درواغ چي موږ وایو هغه د ځان ساتني لپاره وایو فکر کوو که ریښتیا ووایو ژوند مو له ګواښ سره مخ کیږي او یا مو هغه ارزښت چې د مقابل کس په ذهن کې شته، له منځه ځي نو ، موږ مجبوریږو چې خپل رئیس، میرمنې، والدینو او بچیانو ته درواغ ووایو.

۲ – ناهېلي

ډیر وخت موږ په خپل ژوند کې ناهیلي کیږو، هغه څه چې موږ غواړو په ژوند کې یې لاس ته راوړو نه ورته رسیږو او یا هغه وړتیاوې نه لرو چې هغو ته ور ورسیږو. نو موږ نورو ته درواغ وایو او خپله ناهیلي په درواغو کې پټوو.

۳-  د کمترۍ احساس

ډیر کله درواغ په دې خاطر وایو چې هغه کمتري چې موږ یې په خپل ځان کې د نورو په وړاندې لرو پټه کړو نو مجبوریږو چې درواغ ووایو.

۴-  د نورو د توجو د جلبولو لپاره

ډير وخت درواغ وایو او لاپي وهو تر څو د هغو کسانو توجو جلب کړو چې موږ ورته ارزښت نه لرو او په دې باور یو او غواړو چې د درواغو په واسطه به د نوموړو کسانو په زړونو کې ځای پیداکړو او د هغوي په وړاندې به ښه ښکاره شو.

۵ – د نورو درواغ پټول

ډیر کله ځکه  دوراغ وایو چې هغه درواغ رابرسیر نه شي چې مخکې مو ویلي دي او د لویو درواغو د پټولو په خاطر موږ نور درواغ وایو.

۶ – ټولنیزو اړیکو ته ارزښت

د دې لپاره ډیر کله درواغ وایو چې د ټولنیزې اړیکو ساتل راته ارزښت لري مثال یو څوک مو یو سیمنار، واده او میلمستیا ته دعوت کوي خو موږ تر هغې بل مهم کار لرو نو درواغ وایو چې زه مریض یم کنه زړه مي ډير غواړي ګډون وکړم.

۷ خپلو هېلو ته درسیدو لپاره

 د دې لپاره ډیر وخت درواغ وایو مثلاُ موږ کوم ځای یو مهم بست ته شارټ لېست شوي یو، د مرکې په جریان کې درواغ وایو او هغه مهارتونه او ځانګړتیاوي چې موږ یې نه لرو دلته ورته درواغ وایو، دغه درواغ ځکه وایو چې خپلو هېلو ته ورسیږو او خپل خوبونه په حقیقت بدل کړو.

۸ – تنبلي

د تنبلي او سستي له وجې هم درواغ وایو، چې ښوونځي کې و او د سستي له امله نه ځو. نو درواغ وایو چې مریض وم، واده ته تللي وم، خو ریښتیا به داسي نه وي. که وظیفي ته کومه ورځ نه ځو نو ریئس ته درواغ وایو چې ضرور کار مو درلود، یا کور کې ورته وایو چې نن مي رخصت اخیستی.

۹ – په ځان نور مینول

ډیر وخت د دې لپاره درواغ وایو چې ځان د نورو په وړاندي معصوم او مهربان ښکاره کړو، خپلې هغه نیمګرتیاوي پټوو چې خلک ترې کرکه کوي غواړو مقابل کس ته هغه څه ووایو چې هغه یې د اوریدو سره مینه لري او د راتلونکو پایلو په اړه یې فکر نه کوو.

***************************************

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.