سالمه تر بیه او انسانیت ته خدمت  

په دې ورځو اوپه تیره له ډیرو مودو راهیسي ،یوه ویدیو په فیسبوکونو کې ښکته او پورته کیږي ،او ډیری خلک یې ویني او خوشه وي یې ، چې په دې ویدیو کې یو روغتون ښودل کيږي ، چې د روغتون ښځینه نرسانې ، او نارینه نرسان ټول په یو اتفاق د خپلو مریضانو د روحیې د اوچتولو ،او روحی تقویت په خاطر او د تفریح له پاره خپلو مریضانو ته ګډا کوی ، غواړي چې خپل مریضان یې خوشحاله اوسي ،چې ډیر خلک د تحسین او قدردانې په سترګو دي ویدیو  نرسانو او نرسانې ته ګوري ،د عبرت بین له نظره  خو داسي ښکاري چې انسانیت لا مړ نه دی ، انسانیت ژوندی دی.

په واقعیت کې د دوی په دې عمل کې ، د انسانیت یو عظیم درس پروت دی ، چې انسان یې په هیڅ مدرسې کې د هیڅ استاذ څخه نه شي زده کولای ،او نه د هیڅ کتابه داسي پند او نضیحت لوستلای شي ،لکه دا نرسانې او نرسان یې چې په دي ویدیو کې انسانانو ته ورکوي ،او یا دا ترسانې او نرسان او برستاران یې د دي مظاهره کوي ،او له بله خوا په حقیقت کې دا ویدیو د یوې سالمي تربیی آستازیتوب کوی د دي صحنې لیدل په هغه لیدونکو چې د عبرت ټکي په خپلو عبرت بینو سترګو د دنیا له اشاراتو راتولوي مثبت او انتباهی اغیز کوی ،او په عبرت پذیره انسانانو کې دا تحرک پیدا کوی چې انسانیت ته خدمت وکړي،او د خدمت په لاره کې داسي ابتکار پیدا کړي لکه دا نرسان او نرسانې ، تاسي وګورئ چې سالمی تربیی دوی چیرته رسولي ،او څومره پر مخ تللي چې په هر څه کې نوښت او ابتکار کوی.

اوس یې زمونږ د ټولنې سره مقایسه کړئ چې طالبانو د مکتبونو او ښوونځیو دروازې د انجونو پر  مخ تړلي ، نو په دي ټولنه کې چې درس زده کړه او تعلیم نه وي، دوی به څنګه نوښت او ابتکار وکړي ،همدا خو د دوی د علم او زده کړې برکت دی ، چې دوي یې د انسانیت لوړو پوړیو ته رسولي.

***************************************