د امریکا متحده ايالاتو جيولوجيکل سروې (USGS) وايي چې دغه زلزله د هرات ښار په ۳۳ کيلومترۍ کې د ګرینويچ پر وخت د سهار په ۳ بجې او ۳۶ دقیقې شوې ده. یاده امریکايي اداره وايي چې زلزلې دغه سیمه د ۵ اعشاریه ۵ درجې په قوت تر یو ټکان شل دقیقې وروسته ولړزوله.
د فرانسې خبري آژانس چې له کابله ېې حال ورکړی، د يکشنبې ورځې زلزلې د ځاني تلفاتو په هکله ېې څه نه دي ويلي.
دا په داسې حال کې ده چې د اکتوبر په ۷مه هم هرات د رېښتر ۶ اعشاريه ۳ درجې په قوت زلزلې او څو نور پر له پسې ټکانونه ولړزاوه. ملګري ملتونه وايي یادې زلزلې د هرات په زنده جان ولسوالۍ کې لږ تر لږه ۶ کلي په بشپړه توګه تخریب او له ۱۲۰۰ ډېر کسان مړه کړي دي.
ملګري ملتونه همدارنګه وايي چې په دغه پېښه کې په سلونو کسان ټپیان شوي هم دي. د ملګرو ملتونو سازمان یونسیف ادارې د چهارشنبې په ورځ وويل چې په وژل شوو کسانو کې ۹۰ سلنه ېې ښځې او ماشومان دي: «ښځې او ماشومان تر ډېره د کور کارونو او د ماشومانو د پالنې له پاره په کورونو کې وي په همدې دليل کله چې ساختمانونه نړيږي دوی تر ټولو ډېر په خطر کې وي.»
پر له پسې مرګونې وروستۍ زلزلې د سيمې په اوسیدونکو کې وېره خپره کړې ده. یوه ځايي اوسيدونکي، محمد نعيم، چې په زلزله کې ېې د خپلې مور په ګډون ۱۲ خپلوان له لاسه ورکړي، د فرانسې خبري آژانس ته وويل: «موږ دلته نور ژوند نه شو کولی. تاسو وګورئ زموږ د کورنۍ غړي دلته شهیدان شول. موږ به نو څنګه دلته ژوند وشو کړای.»
تر زلزلې وروسته د ويجاړو شوو کليو ژوندي پاتې اوسېدونکي له سختو ستونزو سره مخ دي. دوی تر ټولو ډېر سرپناو ته اړتیا لري په داسې حال کې چې د ژمي موسم راروان او آن له اوسه د شپې له خوا هوا سړه شوې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.