ملالۍ کاکړ د کندهار د ښځینه پولیسو مشر
ملال کاکړ په ۱۹۶۷ز کال کې زېږیدلې وه. د ملالۍ پلار او ورورڼه پوځي افسران و او دې هم په ۱۵ کلنۍ کې پوځي تمرینونه پیل کړل.
ملالۍ کاکړ لومړنۍ ښځه وه چې د کندهار د پولیسو له اکاډمي څخه فارغه شوه، او ورپسې د کندهار د پولیسو په ریاست کې څیړونکې شوه. ملالۍ کاکړ په خپلې یوې مرکې کې ویلي چې پلار یې په دې د افغانستان د میوند د جنګ د اتلې «ملالۍ» نوم ایښی دی. دا د ډګروالۍ رتبې ته ورسېده او په کندهار کې د ښځو پر وړاندې د جرایمو د مبارزې د ریاست مشره وه. د ط البانو له لومړي ځل واکمنېدو سره دا هم د ډېرو نورو افغان میرمنو غوندې په کور شوه. وروسته پاکستان ته مهاجره شوه او په ۲۰۰۱ز کال کې بېرته افغانستان ته راستنه شوه. دې په ډېرو سختو شرایطو کې بېرته خپلې پخوانۍ دندې ته مخه کړه. په ۲۰۰۱ز کال کې دا په کندهار کې یوازینۍ پولیسه وه. دې په هغه وخت کې نه یوازې دا چې د ښځو د برخې ټولې جنايي چارې پر مخ وړلې بلکې د ښځینه زندان مسووله هم وه. له دې وروسته د ښځینه پولیسو شمېر ډېر شو چې په ۲۰۲۱ز کال کې زرګونو افغان میرمنو له پوځ سره په بېلابېلو برخو کې کار کاوه. په داسې سخت دریځې ټولنه کې ښځو ته اسانه نه وه چې پوځ او پولیسو ته راشي خو د ملالۍ کاکړ غوندې تکړه افغان ښځو په بیا، بیا ثابته کړې چې په هر ډګر کې به د وطن لپاره درېږي. ملالۍ کاکړ واده کړی و او شپږ ماشومان یې لرل، خو سره له دې یې هم دنده په ټوله انژري مخته وړله. دې کار یې د ټولنې هغه ذهنیت بدلاوه چې ښځې کله میندې شي او د ماشومانو روزنه ورپه غاړه شي بیا نشي کولی دندې بخصوص پوځي دندې ترسره وکړي. دې دا وښودله چې ښځه هم مور کیدلی شي او هم په پوځ کې د وطن خدمت کولی شي. ملالۍ کاکړ د سپټمبر په ۲۸مه په ۲۰۰۸ز کال کې چې کله خپلې دندې ته روانه وه په ډزو شهیده شوه.
روح دې ښاد وي.
___
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.