په افغانستان کې لوی بریدونه څه نوې خبره نه ده، خو یو شمېر پخوانيو چارواکو خپل وخت هېر کړی او اوسني بریدونه ورته ډېر ستر ښکاري.
په تېرو پنځلسو کلونو کې د کابل او لویو ښارونو داسې امنه او مهمه سیمه به د مخالفینو په ځانګړې ډول د طالبانو له بریدونو په امن کې نه وي پاتې شوې کومه چې د وخت چارواکو یې د ساتلو لپاره غټې غټې خبرې کولې.
د امریکا له سفارت څخه یې راونیسئ، دفاع وزارت ، ارګ، لویه جرګه، د خپلواکۍ جشن، ملي شورا، کانټیننټال، سرینا هوټل، لوی ملي او نړیوال کنفرانسونه او ګڼ نور مهم ځایونه طالبانو هدف وګرځول او له اوسنیو بریدونو څو چنده خونړي وو.
دا بریدونه د نورو په حضور کې نه بلکې د هغو اشخاصو په واکمنۍ کې شوي کوم چې اوس له خپلې تنې او فکر لوړې خبرې کوي.
د امرالله صالح له یاده وتي چې لویه جرګه دوو طالبانو ورته ګډوډه کړه او کم پاتې وو چې ولسمشر هم په کې خپل سر وبایلي.
د افغانستان د خپلواکۍ جشن یې له یاده ووت چې د دومره امنیتي اورګانونو په حضور کې یې ولسمشر محاصره او د وتو لاره یې پرې ورکه کړه.
د نبیل به هم له یاده نه وي وتي چې د ټولو امکاناتو سره سره بریدګرو د ارګ تر خولې ځانونه ور ورسول هغه برید چې د نبیل د فکر څخه پورته پلان شوی برید وګڼل شو.
پښتونستان واټ او ارګ ته نیږدې د فروشګاه په سوداګریزه ودانۍ کې ځای په ځای شوي بریدګر به یې هم له یاده نه وي وتي چې د دوی د سترګو په وړاندې یې خلک شهیدان او مالونه یې ورته وسوځول.
د امنیت ریاست په سر عبدالحق څلور لارې کې دنګه ودانۍ خو ټولو لیدلې چې د مرمیو نښې نښانې یې تر اوسه شته او څو بریدګرو ټولې مهم دفاترو ته خطر جوړ کړی وو.
د کانټیننټال او سرینا هوټل د خونړیو بریدونو شاهدان خو ټول دي.
له کوچنیو بریدونو به هیڅ خبره نه کړو، په سلګونه بریدونه وشول چې هر یوه یې د قمر څلور لارې په څېر د پوځي افسرانو قرباني واخیسته.
په دې ټول پوهیږي چې افغانستان په نړیواله جګړه کې ګیر هېواد دی او د داعش له حضور سره جګړې نوی رنګ اخیستی.
زما هدف دا نه دی چې د اوسني حکومت په ښو او بدو سترګې پټې کړم، له اوسنیو بریدونو څوک سترګې نشي پټولی چې د حکومت کمزوري په کې له ورایه ښکاري او دوی هم په زغرده خپله ناکامي مني.
خو اوس خبره دا ده چې پخواني ناکام چارواکي اوسنیو چارواکو ته د تازه بریدونو پيغور ورکوي او له دې موقع څخه په ګټنې سره غواړي ولسونو ته ځان بریالي او دې وطن ته ژمنې څېرې وښيي.
د دوی کورنۍ چې په اروپا او امریکا کې هوسا ژوند لري دوی دلته د دې پوچو عقديي نیوکو په جاري ساتلو سره غواړي تر څو د خوار افغان ولس په سترګو کې خاورې وشېندي.
صالح، نبیل د امنیت په اپراتیفي پیسو ځانونه وپړسول، چې اوس د هغو غلا شویو پیسو په مټ نظام ګواښي.
هغوی د خپلې واکمنۍ په مهال خپل اولادونه په اروپا او امریکا کې استوګن کړي.
دوی چې د خپلو اولادونو ساتنه دلته نشو کړای نو نورو خلکو به له هغوی څه تمه کړې وای.
ازمویل شوي چارواکي دې د نیوکو په ځای ولس ته خپلې لاسته راوړنې بیان کړي، دوی دې د نیوکو په ځای د اوسني نظام ملا ور وتړي.
که دوی د دې کار په ځای د حکومت تخریب کوي نو حکومت ته په کار ده چې دا کسان د نورو مخالفینو په څېر تر جدي پوښتنو لاندې راولي، او قیودات دې پرې وضع کړي.
اوس ټول په دې پوه شوي چې د بیان آزادۍ په بهانه د دې خلکو ژبه اوږده شوې او خلک هم په دې باور دي چې د دې ژبې لنډول په کار دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320