۲۰۱۸ز کال محکومو افغانانو د پنجاب پر ضد د فبروري په لومړۍ پرلت وکړ او نړۍ يې په شور راوستله، د پښتون تحفظ مومنټ مشر منظور پښتون پنجاب د ظلمونو په غبرګون خپل غږ پورته کړ او دغه ملکوتي غږ له لروبر څخه بدرګه شو، پنجاب په وېره کې شو، منظور پښتون د امن غوښتلو او خپل حق تر لاسه کولو لپاره سوله ايز پرلت وکړ او د زرګونو محکومو افغانانو ځوان رهبرشو.
نوموړي په خبرو کې د محکومو افغانانو باندې د پنجابي ریاست او سامراجي استخباراتي کړيو له لوري د کېدونکو ظلمونو د مخنيوي غوښتنه کړې او افغانان يې خپل اتحاد او اتفاق ته رابللي دي، افغانانو د يووالي په تکل د افغان ژغورنې له غورځنګ سره يو ځای شوي دي.
د شهيد نقيب مسید له شهادت څخه وروسته همدا ځوان رهبر د څو کسو په ملتيا د پنجاب د ظلم په وړاندې د عدالت غږ اوچت کړ، د محکوميت دا غږ زرګونو افغانانو بدرګه کړل، په محکوم افغانستان کې د ازادۍ سترې جلسې او په مورنۍ خاوره کې د سولې د راتلو او افغان ژغورنې په ننګه روان پرلتونه د افغانانو د يووالي ستره الګو ده، افغان وژنې په وړاندې د لوی افغانستان په بېلا، بېلو ولايتونو کې روان پرلتونه به مو د جدايي ناسور درملنه هم وکړي، محکوم افغانستان کې روانې سوله ايزې سترې غونډې د افغانانو د ويښتابه نوی پړاو دی، چې د پنجاب او ای، ایس، ای له ګواښونو سره، سره بیا هم خپل ملي رسالت سر ته رسوي.
منظور پښتون راپورته کېدل او په محکوم افغانستان کې د امن، سولې او ازادۍ غږ ټول افغانان په شور راوستي دي، شريک درد د ټکور وخت راغلی دی، د متحد او لوی افغان د يووالي هيلې په حقيقت بدلې شوې دي.
د زلمو په ډله کې د مېندو، خوېندو، مېرمنو ګډون دا خوځښت نور هم ځواکمن کړی دی.
که د محکوم افغانستان په ستېج زموږ خوېندې د ازادۍ غږ پورته کوي، نو په مورنۍ خاوره کې هم مېندو د سولې اواز اوچت کړی او په همدې هيله يې خپلو ځوانو زامنو او مشرانو سره پرلت کړی او دا لومړی ځل دی، چې د يو ستر تغير د راتلو په تکل پېغلې او ځوانان په ګډه میدان ته راوځي او د وحشتونو په خلاف د عدالت غوښتنه کوي.
زموږ د سولې او يووالي غږ دې ځواکمن وي.
د بسیا او سرلوړي لوی افغانستان په هيله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
