د جاپان يوه مرموزه نانځکه چې ويل کېږي د نجلۍ اروا پکې ننوتې
په جاپان کې په يوه مندر کې له لسګونو کالو راهسې يوه مرموزه ناوکۍ يا ناځکه اوسي چې د نجونو غوندې يې وېښتان غټېږي او خلک په دې باور دي چې د کومې ماشومې نجلۍ اروا پکې ننوتې ده.
دغه نانځکه اوکايکو نومېږي او په ايواما زيما مندر کې ايښې ده.
د سيمې خلک وايي، په نولس سوه اتلس کال کې د هوکايډو سيمې اوسېدونکي ايکيچي خپلې وړې خورکۍ کايکو ته دغه ناځکه اخيستې وه.
دوی وايي، په کايکو نانځکه ډېره ګرانه وه، په سينه پورې به يې نيولې وه او د شپې به يې هم له ځان سره ويده کوله.
وروسته کايکو يخ وهي او مړه کېږي او بيا يې مور او پلار پر دغه نانځکه د اوکايکو نوم ږدي او مندر ته يې سپاري.
بيا نو وروسته د مندر خلک متوجه کېږي چې د نانځکې وېښتان د ژونديو ماشومانو غوندې غټېږي.
وروسته په نولس سوه اته دېرشم کال کې د کايکو مور او پلار دغه نانځکه يوه بل مندر ته وړي او اوس اتيا کاله کېږي چې همالته ايښې ده.
ځينې خلک خو لا وايي، د اوکايکو خوله لږه خلاصه ده او ښکاري چې واړه واړه غاښونه يې هم پيدا شوي دي.
دوی په دې باور دي چې په دغه نانځکه کې د مړې شوې ماشومې اروا ننوتې.
د جاپان پر دغه مرموزه نانځکه پرېمانه ليکنې شوې، فلمونه ورباندې جوړ شوي او سټېج ډرامې هم پرې شوې دي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
