د حزبونو کثرت / فضل الله صیق الله

په افغانستان کې په لس هاو حزبونه دي  چې د عدليې له وزارت سره ثبت او يو شمير يې ثبت نه دي خو فعاليت کوي ، په افغانستان کې اته شپيته حزبونه رسما ثبت شوي دي ، داسې حزبونه شته چې سل کسان نه لر ي ، که مو نږ دا ټول حزلونه سره يو ځاى کړو نو دوه  قوي  حزبونه ترينه نه جوړ يږي ـ  يو متل دى چې وايې : قصابان چې ډير شي نو غو ا مرداريږي ـ  اوس نو په افغانستان کې حزبونه ډير شوي دي نو افغانستان يې داسې حالت ته رسولى دى ـ
اوس  چې د ولسمشرۍ ټاکڼو ته څو مپاشتې پاتې دي نو ځيني اشخاص لکيا دي او نوي حزلونه جوړوي ،
دا هغه کسان دي چې له باندنيو هيوادونو له استخباراتو څخه  د کمپاپن لپاره پيسې او مادي امکانت لاس ته راوړي او خپل وطن کې  امنيتي او سياسي حالت نور هم خرابوي ـ
زما په نظر په افغانستان کې له دريو قوي حزبونو څخه زپاد   حزبونه د افغانستان د سولې او استقرار لپاره په کار نه دي ،  زمونږ ولسمشر  خاص حزب نه لري ؛ او دا ضروري ده چې ولسمشر يو حزب ولري ،  که حزب يې درلودلاى نو  کارونه به پې د حزب د کړنلارې په اساس مخ ته وړلې او دومره د انتقاد لاندې به نه راتللو ـ  اوس وکورۍ د ولسمشر په مقابل کې يو شمير حزبونه سره متحد شوي او ولسمشر ته او نظام ته يې سر خوږى پيدا کړى دى ـ
بل مشکل دا دى چې په افغانستان ډير شمير حزبونه د قوم او سمت په بنسټ جوړ شوي چې دا کار خطر ناک دى او د ملي وحدت لپاره هيڅ ګټه نه شي رسولاى  ـ  هر حزب بايد افغان شموله وي او ېه يو قوم پا سمت منحصر نه وي ـ
بل دا چې کوم حزبونه چې د ولسمشر په مقابل کې دريدلي ؛ دا حزبونه له يو بل سره د جنګونو او لانجو تاريخ لري ، دوي هيڅکله د هيواد په ګټه کار نه دى کړې بلکې شخصى ، حزبى ، قومي او سمتي منافع يې په نظر کې نيولي دي ـ
په افغانستان کې د حزبونو د کثرت په سبب په افغانستان کې حالات ناسم دي او ناسم به وي  ـ
په امريکا کې ، په انګلستان کې او نورو اروپايي هيوادونو کې محدو شمير حزبونه دي چې په انتخاباتو کې برخه اخلي او حکومت جوړوي  ـ
که چير ته  په افغانستان کې دوه يا درې حزبونه وجود ولري نو دا د پارلماني انتخاباتو لپاره هم ګټور کار دى ـ  که په پأرلمان کې هر حزب زيات نمايندګان  درلودل نو هغه حزب دې حکومت تشکيل کړي ـ دا نظام په انګلستان ، هندوستان ، پاکستان او ځينو نورو هيوادونو کې تر سره کيږي ـ  په تيرو څو ورځو کې په پاکسنان کې انتخابات وشول ، د عمران خان د تحريک انصاف حزب په پارلمان کې زياتې څوګۍ  وګټلې نو اوس به د ده په فيادت حکومت جوړيږي ، پاکسنان او هندوستان تشريفاتى ولسمشران لري او په انګلسنان کې خو ملکه ده ـ
د ليکنې خلاصه داده چې په افغانستان کې د حزبونو کثرت د افغانستان د نظام جوړونې لپاره مناسب نه دى ، دې موضوع کې بايد غور وشي او د حزبونو د ډيرښت مخه  ونيول شي ـ