طالبانو د ملابرادر د آزادیدلو خبر تایید کړی خو دا يې ندي ویلي چې نوموړی اوس چیرې دی.
وسله وال طالبان وايي د دوی یو پخوانی مشر ملا عبدالغني برادر په پاکستان کې له نهه کلن زندان څخه ورورسته خوشې شوی دی.
د طالبانو په یوې اعلامیې کې ویل شوي چې د ملا برادر په خوشې کېدو کې هېڅ ډول معامله نه ده شوې، خو وايي هغه “دعاګانو او د لوی الله نصرت” د پاکستان له بند نه آزاده کړ.
طالبانو دا ندي ویلي چې ملابرادر له خوشې کیدلو وروسته چیرته تللي؟ خو وايي د نوموړي روغتیا ښه ده.
ځینو رسنیو بیا لیکلي چې پاکستان د امریکا د فشارونو او په ځانګړې توګه د زلمي خلیلزاد په غوښتنه، ملابرادر له بنده خوشې کړی. ښاغلی خلیلزاد د افغانستان د سولې په چارو کې د امریکا د باندنیو چارو د وزارت سلاکار دی او دوه اونۍ وړاندې یې له پاکستاني چارواکو، طالب استازو او افغان چارواکو سره د سولې د بهیر د پیلولو په اړه خبرې وکړې.
د سیاسي چارو کارپوه وحید مژده چې د طالبانو اړوند مسایل له نژدې څاري وايي چې ښايي د ملا برادر خوشې کېدل د زلمي خلیلزاد د سولې د هلو ځلو سره تړاو ولري. هغه وویل چې ملا براد غوندې کسان اوس په طالبانو کې ډیر اغیز نلري.
په همدې حال کې راپورونه وايي چې له ملا برادر سره د وسله والو طالبانو یو بل قومندان ملا عبدالصمد ثاني او ملا محمد رسول هم خوشي شوي دي.
د ملا ثانې په اړه ډېر معلومات نه دي ورکړل شوي خو ملا رسول د طالبانو د عالي شورا یو مهم غړی و.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
