ولسمشر ډاکټر اشرف غني د کرزي په دولت کې په بېلابېلو چوکيو کار وکړ، د پوهنتون له مشرۍ نيولې تر د مالیې تر وزارته او بيا له بهرني ځواکونوافغان ځواکونو ته د واک د انتقال پروسې مشرۍ مسوليتونه يې په ښه توګه ادا کړل خوچې کله ډاکټر غني د ولسمشرۍ ټاکنوکې ځان کانديد کړ نو ښاغلي کرزي په پټو کې د هر هغه کانديد پلويتوب وکړ چې د ډاکټر غني مخالف و. دا په سياست کې کومه نوې يا غلطه خبره نه ده خو له بده مرغه په افغانستان کې سياسي مخالفت په ذاتي دښمنيو بدل شي. د
ډاکټر غني پلويانو پر کرزي تورونه پورې کړل، پر هغه پسې يې سپکې سپورې وويلې،هغه ته يې د غلو مشر خطاب ورکړ او پر فساد يې تورن کړ. همداسې د ښاغلي کرزي پلويانو هم په غني پسې منفي تبليغات پيل کړل او د ډاکټر غني هر کار ته يې د ملک دښمني په سترګه وکتل.
ډاکټر غني چې کله ولسمشر شو نو حنيف اتمر يې د دويم کس په توګه وټاکه . له ولسمشر غني وروسته ټول واک له حنيف اتمر سره و او د غني په هره پرېکړه کې برابر شريک و خو په راتلونکو ټاکنو کې د ولسمشرۍ د کانديدي لپاره يې د ولسمشر غني له حکومت سره خدای پاماني وکړه او د ډاکټر غني په حکومت يې نيوکې پيل کړې.
د ښاغلي اتمر مخالفت هم د سياست يوه برخه ده خو له بده مرغه د ډاکټر غني او ښاغلي اتمر پلويانو په يو بل پسې سپکې سپورې پيل کړې او ډېر نږدې او هم نظره، ملګري يې سره خپه کړل.زما پوښتنه دا ده چې که ښاغلی کرزی بد و نوډاکټر غني يې ولې د يوې لسيزې لپاره د حکومت برخه و. د ښاغلي بشردوست غوندې يې اصولې مخالفت ولې نه کولو.
همداسې که ډاکټر غني وطن خرڅوونکی و او د وطن په ګټه نه و نو ښاغلي کرزي ولې لوړ پوړې چوکۍ ورکولې؟ که اتمر بد و نو ډاکټر غني تر اوسه ولې له ځان سره پر دويمه چوکۍ ساتلی و او که ډاکټر غني بد و نو اتمر ولې ځان ورسره نښلولی و؟
زه ځوانانو ته وايم چې د پورته ذکر شوي مشرانو لپاره يو بل مه خپه کوﺉ.افغانستان د تاريخ تر ټول نازک وخت تېرېږي خو له خلکو،طالبانو او حکومت سره سره د پورته ذکر شوي مشرانو هم سر دومره خلاص شوی چې نور هېواد جنګونو او خرابۍ ته نه پرېږدي.
زه د افغانستان لپاره تر پرون نن او تر نن سبا ښه راتلونکی وينم. د خپلواک او خوشاله افغانستان په هيله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
