آلماني اتباع کولی شي د جون میاشتې له نیمایي څخه د احتیاطي تدابیرو په مراعاتولو د خپل دوبنیو رخصتیو د تیرولو په خاطر اروپایي هیوادو ته سفرونه وکړي. آلمان په مارچ میاشت کې د کرونا په دلیل پر توریستي سفرونو بندیز لګولی وو.
د آلمان حکومت اراده لري چې په اروپا کې دننه سفري ممانعت لغوه کړي. د آلمان د بهرنیو چارو وزیر هایکو ماس اعلان وکړ چې د جون میاشتې له ۱۵ نیټې څخه به تر هغه ځایه چې د کرونا وبا د پراخیدو وضعیت اجازه ورکوي، ۳۱ اروپایي هیوادونو ته سفر کول آزاد شي.
ماس وویل چې دا تصمیم په مشکل سره نیول شوی دی او له هغو آلماني اتباعو څخه یي چې بهرنیو هیوادونو ته سفرونه کوي په ټینګار سره وغوښتل چې مقررات او د مسئولینو سپارښتنې عملي کړي، د بیلګې په توګه یو شمیر هیوادونو ته دې له سفر کولو څخه ډډه وکړي.
ماس زیاته کړه چې د بهرنیو چارو وزارت خپلو اتباعو ته هره ورځ د هغو هیوادونو په هکله چې دوی ورته سفرونه کوي دقیق او روښانه اطلاعات وړاندې کوي. د بهرنیو چارو وزارت سپارښتنې او لارښوونې کیدای شي د کرونا ویروس د خپریدو وضعیت په پام کې نیولو سره هره ورځ تغیر وکړي.
هغه هیوادونه چې مسافرت ورته بی له ممانعته اعلانیږي، عبارت دي له ۲۶ اروپایي هیوادونو څخه؛ سربیره پر دې بریتانیا (چې اوس له اروپایي اتحادیي څخه وتلې ده) او همدارنګه په «شینګن» شامل څلور هیوادونه چې د اروپایي اتحادیي غړي نه دي یعنې ایسلنډ، ناورې، سويس او لیختنشتاین ته د آلماني اتباعو سفر آزاد دی.
د بهرنیو چارو وزیر ټینګار وکړ چې اتباع باید په هرصورت کرونایي سپارښتنې او مقررات مراعات کړي، د بیلګې په توګه بریتانیا ته سفر کول دومره مناسب نه دی، ځکه په دې هیواد کې د قرنطين ۱۴ ورځني اجباري مقررات اوس هم اعتبار لري.
ماس یو وار بیا تکرار کړه چې سیلانیان دې په یاد ولري چې حکومت به په راتلونکي کې په هیڅ صورت د خپلو اتباعو د بیرته ستنولو په برخه کې اقدام ونه کړي، نو له همدې امله دې له خطري سفرونو څخه په جدي توګه ډډه وکړي.
د آلمان حکومت د کرونا بحران په نتیجه کې ۲۴۰ زره آلماني تورستان په ځانګړو پروازونو کې بیرته خپل هیواد ته انتقال کړل.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
