يوه لوړپوړي امريکايي جنرال ويلي دي چې له افغانستان څخه د عسکرو د را ايستلو د طرحې له مخې به په دغه هيواد کې دوې سترې امريکايي پوځي اډې پاته وي.
د رويترز خبري آژانس په حواله د امريکايي پوځ لوی درستیز مارک میلي دغه څرګندونې د چهار شنبې په ورځ (د دسمبر ۲مه نيټه) کړي دي.
د ولسمشر ترمپ له خوا تېره مياشت په افغانستان کې د امريکايي عسکرو د شمير کمولو دا پريکړه د ولسمشرۍ تر ټاکنو وروسته په داسې حال کې شوې وه چې پوځي مشرانو د پوځي حضور له پاره لا يو پلان نه وو طرحه کړی. په دې ترڅ کې د امريکا د پوځ د ماموريت په اړه ډېري پوښتنې بې ځوابه پاتې وې.
جنرال مارک ميلي د بروکلنګ په څېړنيز مرکز کې د يوې غونډې په ترڅ کې له افغانستانه د عسکرو د راايستلو په اړه په لومړي ځل جزيات په ډاګه کړل.
نوموړي زياته کړه چې امريکا به په افغانستان کې د عسکرو تر کمولو وروسته هم دوې ستري پوځي اډې ولري. نوموړي وويل چې پر دې دوو سترو پوځي اډو سربيره به هلته «يو شمير سټېلايت اډې» هم شتون ولري.
جنرال ميلي زياته کړه چې د امريکا پوځ به خپلو دوو اصلي ماموريتونو ته هم دوام ورکړي: د افغان امنيتي ځواکونو ملاتړ چې له طالبانو سره په شخړه کې ښکيل دي او د القاعدې شبکې او داعش ډلې پر ضد د ترهګرۍ ضد مبارزې ته.
خو نوموړي دا په ډاګه نه کړه چې په افغانستان کې به کومې پوځي اډې وتړل شي او يا د دوو زور امريکايي عسکرو تر کمولو وروسته به یې په ظرفيتونو کې کمښت راشي.
هغه په دې اړه له اټکل کولو ډډه وکړه چې د امريکا ولسمشرۍ ته انتخاب شوی، جو بايدن به په دې اړه څه پريکړه کوي.
جنرال مارک میلي وويل: «دا چې تر هغه وروسته [له واکه د ترمپ تر ګوښه کيدو وروسته] څه کيږي، هغه په نوي ادارې پوري اړه لري.»
په داسې حال کې چې امريکا له افغانستانه د خپلو يو شمېر عسکرو راايستلو ته چمتوالی نيسي، د قطر په پلازمېنه دوحه کې د افغان حکومت او طالبانو استازي د چهار شنبې په ورځ د سولې د مذاکراتو پر کړنلاره توافق ته سره رسېدلي دي.
دا په تيرو ۱۹ کلونو کې د وسله والو طالبانو او افغان حکومت ترمنځ لومړی کتبي تړون دی چې د مارک ميلي په حواله له ډېري مودې راهيسې د ځنډ ښکار وو او يوه اړخ هم بل ته د جګړې په ډګر کې د ماتې ورکولو جوګه نه شو.
خپل پوځي ماموريت ته په کتو سره جنرال میلي وويل چې امريکا په افغانستان کې «يو څه بری» ترلاسه کړی دی. نوموړي د خبرو اترو پر اهميت ټینګار وکړ، که څه هم چې د هغه په خبره د طالبانو له استازو سره د خبرو میز ته کښيناستل د ځينو کسانو په نظر «ناوړه کار» وو.
هغه وويل: «خو په حقيقت کې د واک د ويش پر سر جوړجاړي ته رسيدل د بغاوتونو د له منځه وړلو تر ټولو عامه لاره ده.»
دوچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
