د سولې موانع سر زوري، جهالت، تماميت خواهى، د مقابل د هضم او نفيه کولو هڅې او د 21 سدې د منل شوو اصولو د اسلام د دين سره برابر اصول نه منل او د نا اهله انسانانو او افرادو پر امورو حتى انحصاري تسلط او د سولې د مذاکراتو لپاره غلطې پاليسۍ او بلاخره په جنګ او جګړه کې د پنجاب او نورو پردو د اهدافو او موخو دتأمين سلسله ده.
دا جنګ او جګړه ده چې په افغانستان او سيمه کې د مخدره موادو بازار ګرم او چليږي.
دا د جګړې او نا آراميو شتون دى چې امريکه پاکستاني جنرالانو ته جزيه ورکوي.
دا د جګړې جزيه ده چې پاکستان د افغان پر خاوره په خپله خوښه اغزن تار غزوي او دروازې جوړي او خپل سرحدات تحميلوي. لا تر اوسه 83% کار يې بشپړ دى، چې باقي کار بشپړ شي نو بيا به پاکستاني استابلشمنت بله لوبه پېل کړي. صادق او ساده طالب به د افغانستان د تأريخ تېره برخه کړي او امريکې ته به ووايي: دادى ماته دې زما سرحد مالوم کړ نو په سيمه او افغانستان کې امنيت ښه شو او پر طالب به دا تجارت بله بڼه غوره کړي.
دا د جنګ او جګړې زور دى چې يو شمېر جزيه ګير او جنايتکاره افراد افغانستان کې قدرت کې وه او دي.
دا د ترور او دهشت ډار ده چې يو شمېر افغانان د امريکې د حضور ضرورت افغانستان کې توجيه کوي.
د سولې موانع د ملت له ارادې نه بهر دامريکى نه، د ټوپک، انفجار او انتحار په کولو او افغان وژنې، هدفي وژنې او ترور په کولو افغانستان کې سياسي قدرت ته د رسيدو لار د سولې موانع دي.
د سولې موانع د سياسى مذاکراتو پر ميز پر هغو مسايلو او موضوعوعاتو بحث کول تحميلول دي،کوم چې پر هغو بايد ملت تصميم و نيسي.
د سولې موانع د سياسي مذاکراتو او د سياسي مذاکرې پر ميز پر هغو ارزشونو توافق تحميلول دي،کوم چې د ټول ملت حق دى.
مونږ د سولې موانع پېژنو نو د مرګ او ترور تخصص حتمى نه ده د سولې متخصص هم وي. د الله ج نه وډار شئ، د ظلم، تجاوز، ورور وژنې حرامې لړۍ ته ناروا او غېر اسلامي توجيه او مبرر مه وړاندې کوئ!
مونږ پوهېږه چې ددې تراژېدۍ نه، د افغان وژنې نه د وتلو لارې څه زمونږ لاس او څه زمونږ له وس او توان نه بهر دي. خو مونږ ته په کار دي چې خپل تر توانه، خپل رسالت اداء او د تراژيدۍ د اوږدېدو مخه ونيسو او ددغه شوم حالت اثرات لږ کړو.
د يوه سياسي بندي د منلو نه دى. خو د امتياز ورکولو مخکې بايد ټول توافقات وشي. چې د 6400 زندانيانو غېر معمول خوشې کول مفاد ونه کړ، د نور بنديانو خوشې کول به هم له سره مرسته ونکړي او د جګړې ميدانبه لانور هم قوي کړي، چې کړاى هم دى.
د موجود فرصتونو مخکې له دې چې نور هم ناوقته شي، حد اعظمي د خېر استفاده وکړو.
و ما علينا الا البلاغ المبين
و ما توفيقنا الا بالله.
12/12/2020
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
