د طالبانو مشر ملا منصور چې ۲۰۱۶ کال کې د بلوچستان په یوې سیمه کې د امریکا د بې پیلوټه الوتکې له لوري ووژل شو، څلور کاله وروسته ورپسې دوسیه راوتلې چې ۳۰ میلیونه کلدارو پانګونه کراچۍ ښار کې لري.
جالبه دا ده چې ملا منصور دا پانګونه په مستعار نوم او جعلي شناختي کارډ کړې ده، چې اوس یې څېړنې بشپړې شوې.
دوه کاله وړاندې د ملامنصور د پانګونې په تړاو د پاکستان ترهګرۍ ضد محکمې راپور ورکړ چې د هغه پانګه یې کنګل کړې او جایدادونه یې لیلام کړي دي، خو اوس مالومه شوه چې دا هر څه د طالبانو مشر ملا منصور په جعلي نوم کړي و.
د طالبانو مشر ملا اخترمحمد منصور دا پانګونه ځکه په جعلي نوم کړې وه چې د جګړې له درکه په لاس ورغلو پيسو باندې یې خپله پانګونه نه شوه کولی، ځکه هر کله کیدلی شول چې ښکاره شي.
طالبانو وسله وال د خپلو مشرانو له ژوند خبر نه دي چې څومره پانګونې لري او د دوی په سر او قربانیو باندې یې ځآنونو او راتلونکو نسلونو ته په کور دننه او بهر څومره هوسا ژوند برابر کړی دی.
دا یواځې د ملا اخترمحمد منصور چې د طالبانو مشر دی او ټولو ورپسې بیعت کړی و، د هغه پانګونه ده، دا سړی طالبانو ته تر ټولو پاک کس ښکاریده، ځکه یې مشر ټاکلی و، تر دې مفسد نور طالب مشران به څومره پانګونه لري.
ملا اختر محمد منصور کوم جایداد، سرمایه او فابریکې نه لري چې ۳۰ میلیونه کلدارې یې پيدا کړي وې، بلکې دا ټول یې د جګړې له درکه پيدا کړې وې او کراچۍ ښار کې یې پرې پانګونه کړې وه.
اوس چې هر څه ډاګیز شول او د ملامنصور پانګونه پیدا او د پاکستان حکومت کنګل کړه، طالبان هڅه کوي چې خپلو وسله والو ته وښيي چې دا بې ځایه تبلیغات دي او ملا منصور سرمایه نه درلودله.
دا رښتیا هم ده چې د طالبانو وسله وال جاهل او ژر تیر ایستونکي دي، نو ځکه طالب قومندانان او مشران هڅه کوي چې دا موضوع کاذب تبلیغات وښيي.
که د طالبانو وسله وال د خپلو مشرانو په ژوند او پانګې پسې پلټنه وکړي، حتما ور مالومیږي چې د جګړې له درکه یې مشرانو څومره پيسې پيدا کړي او څومره ښه ژوند یې ځانته برابر کړی دی.
خو د طالبانو جنګیالي ټوله ورځ په کلیو کې له خلکو په زوره ډوډۍ غواړي او خپل اولادونه یې نهارې شپې تیروي او بیا دې وضعیت ته د جهاد نوم ورکوي.
دا اوس ښکاره ده چې په افغانستان کې جهاد په فساد بدل شوی، د جهاد په نوم د جګړې مشران ډیرې پيسې لاس ته راوړي او څو جاهله وسله وال چې په نه په دین خبر دي او نه په ژوند، د دې جګړې قرباني کوي او خپله پرې پيسې پيدا کوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
