په داسې حال کې چې افغان حکومت تل د پاکستان له لوري د وسلهوالو طالبانو پر تمويل او تجهيز سربېره دې ډلې ته د خوندي پټنځايونو ورکړې په اړه هم شکايت کړی. خو پاکستان او طالبانو په يوه خوله د افغان حکومت دغه ادعا ناسمه بللې ده.
په دې وروستيو کې داسې اسناد او شواهد په ټولنيزو رسنيو کې لاس په لاس کېږي چې ښيي په پاکستان کې د وسلهوالو طالبانو د رهبرۍ موجوديت ترڅنګ د دې ډلې ټپي جنګياليو درملنه هم کېږي.
دې جريان ته په پام سره پاکستاني نظاميان هم له طالبانو سره د همکاريو خپل موجوده ارتباطي چينل په اړه د مالوماتو رسنيز کولو په هدف لاس په کار شوي. تازه د سهيل حبيب تاجيک په نوم د پاکستان پوليسو يوه افسر خپل داسې انځورو په ټوېټر کې خپاره کړي چې له کرښې پورې غاړه د افغان ځواکونو له هاموي ټانک سره اخيستل شوي دي.
له دې عکسونو سره ليکل شوي چې دا وسايط يې په وزيرستان کې له وسلهوالو طالبانو ترلاسه کړي دي. له دې ښکاري چې پاکستان د طالبانو د تجهيز او په افغانستان کې يې جګړې ته د هڅولو له درکه، د خپلو ګټو پر تحقق سربېره د طالبانو له لوري د افغانانو لوټل شوې شتمي هم زبيښي.
د پاکستان د ګټو په خاطر له دې ټولو سربېره وسلهوال طالبان پرې دا حق لري چې د امکاناتو له برابرولو سره يو ځای بايد په خپل قلمرو کې ورته منظم پټنځايوه او روزنځايونه هم جوړ کړي. خو پوښتنه دا ده چې په دې وروستيو کې د پاکستان او طالبانو ترمنځ د اړيکو په اړه د مستندونو خپرول په څه مانا دي؟
ايا دا خو به د هغو سيستماتيکو هڅو بېلګه نه وي چې پاکستان يې د افغانستان سولې په پروسه کې د خپلو ګټو او امتياز خوندي کولو په هدف کوي؟ څو وښيي چې پر طالب ډلې د خپل انحصار له کبله کولی شي د سولې پروسه هم چټکه او هم يې سبوتاژ کړي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
