له افغانستانه تر وتلو وروسته امريکا غواړي خپل عسکر د سيمې په نورو هيوادونو کې مستقر کړي. لوړ پوړو پوځي چارواکو زياته کړې ده چې د «ترهګرۍ ضد ماموريت» ته دوام ورکول، د دې کار موخه ده.
د امريکا متحده ايالاتو د پوځي قومندې سينتکوم مشر جنرال کينت مک کینزي د سه شنبې په ورځ (د اپريل ۲۰مه نيټه) کانګرس ته وويل چې امريکا غواړي له افغانستانه تر پلان شوي اخراج وروسته چې په څو مياشتو کې به بشپړ شي، په سيمه کې خپل ترهګري ضد فعاليتونو ته دوام ورکړي.
نوموړي وويل: «په دې سره موږ د دې ډاډ ترلاسه کول غواړو چې د افغانستان په لیرو پرتو سيمو کې د تندلارې ډلې تر دوامدارې څارنې او فشار لاندې ولري.»
نوموړي جنرال زياته کړه چې د بريدونو بالقوه پلانونه به را برسيره او له منځه يوړل شي. له افغانستان څخه د ځواکونو تر وتلو وروسته به امريکا په دې موخه لږ اړين استخباراتي معلومات ولري، خو جنرال مک کينزي په خپلو خبرو کې زياته کړه چې د ترهګرۍ ضد جګړه به له دې کبله «ناممکنه» نه خو «سخته» شي. د هغه په خبره له همدې کبله بايد قطعات د افغانستان په شا او خوا کې مستقر شي.
مک کينزي زياته کړه: «موږ د سيمې د ټولو هيوادونو په اړه غور کوو، زموږ دېپلوماتان به له هغوی سره تماس ونيسي او د هغو سيمې په اړه به ورسره خبرې وکړي چې موږ غواړو خپلې منابع پکې ځای پر ځای کړو.» نوموړي زياته کړه چې په پام کې لري د روانې مياشتې په پای کې د دفاع وزير لوېد اوستن ته يو څو بديلونه وړاندي کړي.
د امريکا متحده ایالاتو ولسمشر جو بايدن تېره اوونۍ له افغانستانه د سپتمبر مياشتي تر۱۱ نيټې پورې د خپلو ټولو ځواکونو د راايستلو اعلان وکړ. دا نېټه په امريکا کې د ترهګریزو بريدونو له شلمې کلیزې سره سمون لري، چې په پايله کې يې امريکايي عسکر افغانستان ته استول شوي ول. له امريکا سره به یې د ناټو متحدين هم له افغانستانه ووځي.
خو څارونکو له افغانستان څخه د بهرنيو ځواکونو تر وتلو وروسته هلته د القاعدې شبکې او همدا راز د داعش د پراخيدو په اړه انديښنه څرګنده کړې ده.
وسله والو طالبانو تېر کال په فيبرورۍ مياشت کې له امریکا سره د تړون په ترڅ کې ژمنه کړې چې اجازه به ور نه کړي چې افغانستان يو وار بيا د ترهګرو په پټنځای بدل شي او له دغه هيواده پر امريکا بريدونه ترسره شي. خو په لويدیځ کې د دغه تضمينونو د پرځای کولو په هکله شکونه موجود دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
