د اروپايي ټولني عالي محکمې ویلي چي که په ناروې کي د یوه پناه غوښتونکي غوښتنه رد سوې وي او د اروپايي ټولني په نورو هیوادونو کي یې یو وار بیا د پناه غوښتنه کړې وي، دغه هیوادونه باید نوموړې غوښتنه له سره په بشپړ ډول وارزوي.
د آلمان یوې محکمې د اروپا له عالي محکمې څخه غوښتنه کړې وه چي که په ناروې کي د یوه پناه غوښتونکي عریضه رد سوې وي او د اروپايي ټولني په يوه هیواد کي یو وار بیا د پناه غوښتنه وکړي، نو د هغه له دوسیې سره باید څه ډول چلند وسي.
د اروپايي ټولني د عالي محکمې د پریکړي له مخي چي د پنجشنبه په ورځ (۲۰۲۱م کال د می ۲۰ مه) خپره سوه، پکښې راغلي دي چي که په ناروې کي يو رد سوی مهاجر د اروپايي ټولني د غړو هیوادونو په يوه کي د پناه غوښتنه وکړي، نو دا به یوه «تعقیبي غوښتنه» نه، بلکي یوه نوې غوښتنه وي چي له سره باید ارزیابي سي.
دا موضوع ځکه پیچلې ده چي ناروې د اروپايي ټولني غړی نه دی، خو د هغه تړون په چوکاټ کي چي د اروپايي ټولني، ناروې او آیسلنډ ترمنځ لاسلیک سوی دی، د دغي ټولني د پناه غوښتني په سیستم کي ونډه لري.
محکمې ویلي دي چي بیا هم د پناه غوښتني په قضیو کي سړی نه سي کولای، ناروې د اروپايي ټولني له غړو هیوادونو سره هم سطحه وبولي.
د آلمان د شلیسویگ -هولشټاین ایالت اداري محکمې، د اروپا عالي محکمې ته مراجعه کړې او د غیر اروپايي ټولني د غړو هیوادونو په اړه یې د «تعقیبي غوښتني» په باره کي د توضیح ورکولو غوښتنه کړې وه.
په ناروې کي د سوریایی مهاجرو یوه کورنۍ
«تعقیبي غوښتنه» هغه بهیر ته ویل کیږي چي یو رد سوی مهاجر د پناه غوښتني په دلیل کي د بدلون له امله یو وار بیا د پناه غوښتنه وکړي.
د اروپايي ټولني په غړو هیوادونو کي، که د یو چا د پناه غوښتني په تعقیبي عریضه کي نوي دلایل وجود و نه لري، نو دغه غوښتنه غیر مجاز بلل کیږي او رد کیږي. د اروپايي ټولني د عالي محکمې د قاضیانو په خبره، دغه کار د ناروې په اړه صدق نه کوي.
دغه قضیه په ځانگړي ډول د هغه ایراني پناه غوښتونکي په اړه ده چي په ۲۰۰۸م کال کي یې په ناروې کي د پناه غوښتنه کړې وه. خو د آلمان ادارو د هغه غوښتنه «د پناه تعقیبي غوښتنه» وبلله او هغه یې رد کړې ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.