راپورونه وايي چې د ایران په خاوره کې میشت طالبان چې مشري یې مولوي عبدالمتین سره ده، د ایران له استخباراتو د پيسو او امکاناتو په بدل کې نوي دستورونه اخیستي چې باید تطبیق یې کړي.
مولوي عبدالمتین د طالبانو د علماوو شورا مسوول دی، چې افغانستان سره نږدې د ایران سرحدي سیمو کې پټنځایونه لري.
مولوي عبدالمتین تازه د ایران د قدس سپاه پاسداران ځواکونو له مشر سردار هادي حمیدي او د دې ادارې له مرستیال حمید شعباني سره لیدلي او هغوی د افغانستان په لویدیځ کې د تاوتریخوالي د زیاتیدو غوښتنه ترې کړې.
د ایران استخباراتو طالبانو ته وسلې او پيسې ورکړي چې د افغانستان لویدیځو ولایتونو کې ولسوالیو باندې د جګړې تمرکز زیات کړي، ډله ییز بریدونه زیات کړي او که هر کله یې کومه ولسوالۍ نیوله، باید دولتي تاسیسات او نور وسایل او وسایط یې وسوځول شي او هیڅ ځای باید روغ پاتې نه شي.
ایراني استخباراتو دغه راز د امکاناتو او پيسو په بدل کې پر طالبانو جبري کړې چې د ډله ییزو بریدونو او ولسوالیو د سقوط تر څنګ دې لوی موټر بم بریدونه وکړي او د هر موټر بم برید په بدل کې به ایران ورته هومره امکانات او پيسې ورکوي.
له دې ټولو سره ـ سره چې طالبانو ته د ایران لارښوونې شوي چې تاوتریخوالی زیات کړي، طالبان مکلف شوي چې د هیڅ جګړې ، ځانمرګي، موټر بم، د سړک غاړې ماین چاودنې مسوولیت به نه اخلي.
ایراني استخباراتو طالبانو ته ویلي چې تاوتریخوالی او د عامو خلکو وژنه دې زیاته کړي او بیا دې ددې بریدونو مسوولیت پر داعش وسله والو واچوي.
ایران چې له داعش ډلې په افغانستان کې په ښکاره اندیښنه څرګندوي، په افغانستان کې د دې ډلې په نوم باندې جګړې او بریدونه کوي چې څنګه کیدلی شي، افغانستان کې د لاسوهنې پلمه پيدا کړي.
ایران په خپله خاوره کې طالبانو ته منظم کورونه، ځایونه او پټنځایونه ورکړي چې په بدل کې به طالبان د ایران د ګټو لپاره او د ایران په دستور افغانستان کې جګړه کوي.
د لویدیځو ولایتونو طالب قومندان اوس اکثریت په ایران کې دي، له افغانستان څخه ځوانان وړي، هلته یې روزي او بیا یې د جګړو لپاره بیرته لویدیځو ولایتونو ته راوړی.
د دې تر څنګ طالبان د ایراني استخباراتو په همکارۍ باندې ایران کې افغان کاریګر خپلو لیکو ته جذب کوي، فریب ورکوي، د پيسو لالچ ورکوي او بیا یې افغانستان ته د ځانمرګو او نورو بریدونو لپاره راوړي.
د ایران لاسوهنې په افغانستان کې ښکاره دی او هیڅ سترګې ترې نه شي پټیدلی، لویدیځو ولایتونو کې نیول شویو طالبانو سره ایران ساخت وسلې دي چې دا ښکاره د ایران لاسوهنه ثبوت کوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.