طالبان له سیاسي جوړجاړي پرته بله لاره نه لري

طالبان پرته له سیاسي جوړجاړي هېڅ بله لار نه لري؛ ځکه دوی هېڅکله د جګړې له لارې بری نه شي ترلاسه کولی.
د اروپایي ټولنې د بهرنیو چارو وزیر جوزېف بوریل ویلي، چې طالبان باید نور جګړې ته د پای ټکی کېږدي او د افغان سولې خبرې پر مخ یوسي.
نوموړي ویلي، چې طالبان باید افغانانو ټاکنې ته احترام ولري؛ ځکه خلکو په خپله خوښه یو حکومت رامنځته کړی او ورته د منلو وړ دی.
بوریل دا هم ویلي، چې افغانستان کې شته بهرنیو هېوادونو ته شل کلنې لاسته راوړنې مهمې دي او هېڅکله به اجازه ورنه کړي، چې له منځه ولاړې شي.
باید یاده شي، چې طالبانو په دې وروستیو کې د افغان سولې خبرې په ټپه درولي او د تاوتریخوالي کچه یې لوړه کړې ده.
تېره ورځ د ملګرو ملتونو امنیت شورا غونډه کې ګډون کوونکو هېوادنو هم د طالبانو له لوري د تاوتریخوالي د کچې پر لوړېدو اندېښنه ښودلې او زیاته کړې یې ده، چې یاده ډله باید د ملکي وګړو له وژنو لاس په سر شي.
د یوناما مشرې دېبورالاینز هم په یاده غونډه کې ویلي وو، چې طالبان باید د افغان سولې خبرې پر مخ یوسي او د عامه تاسیساتو له ویجاړولو او د بېګناه ملکي وګړو له وژنو لاس واخلي