سره صلیب موسسې ارغنداب څخه؛ له ۱۰۰۰ ډېر جسدونه

پاکستان ته انتقال کړي

د کندهار په ارغنداب ولسوالي کې له تېرو څو میاشتو راهیسې طالبانو جګړه پیل کړې، چې افغان ځواکونو ورته ګڼ شمېر تلفات اړولي دي.

که څه هم افغان حکومت په یادې ولسوالي کې طالبانو او پاکستاني ترهګرو ته د اوښتې مرګ ژوبلې ارقام په خپل وخت خپاره کړي؛ خو اوس د سره صلیب د مالوماتو له مخې، یواځې په تېره میاشت کې یادې مؤسسې له ارغنداب څخه د طالبانو او پاکستاني ترهګرو ۱۰۴۰ جسدونه پاکستان ته انتقال کړي.

سره له دې، چې اوس مهال د طالبانو په ډلو کې ګڼ شمېر پاکستاني ملېشه جنګیږي او پاکستاني جنرالان په زیاتو سیمو کې د یادې ډلې جګړه رهبري کوي؛ خو بیا هم د پاکستان حکومت په افغانستان کې له خپلې مستقیمې جګړې څخه منکر دی.

څو ورځې وړاندې هم افغان ځواکونو د کندهار ولایت په سپین بولدک ولسوالي کې ګڼ شمېر پاکستاني ترهګر وژلي وو، چې وروسته د سره صلیب مؤسسې له لوري پاکستان ته انتقال شول.

باید یاده شي، چې له سره صلیب مؤسسې پرته هم طالبان د خپلو وژل شویو جنګیالیو زرګونه جسدونه، یا په افغانستان کې د خاورو لاندې کوي او یا یې هم د خرو په واسطه د پولې هاغاړې ته اړوي.