استرالیا د جمعې په ورځ اعلان وکړ چې له افغانستان سره يې د کريکټ تیست لوبه وځنډوله. د استرالیا د کریکټ چارواکو ويلي دي چې کې طالبان د نجونو ټيم ته د لوبې اجازه ورنه کړي دوی به دغه لوبه بیخي کنسل کړي.
د فرانسې خبري آژانس په حواله، د استرالیا د کریکټ چارواکو وويل چې له «اړوندو کسانو» سره تر سلا مشورو وروسته تصمیم ونیول شو چې د نارینه و تیست لوبه چې روانه میاشت په هابورت کې پلان شوې، د مهالويش مطابق به مخته ولاړه نه شي.
د استراليا دغه دريځ د طالبانو له هغه اعلان سره تړاو لري چې دغې ډلې واک ته تر رسیدو وروسته د افغانستان د کريکټ د نجونو پر ټيم د لوبو کولو بنديز ولګاوه.
د استرالیا د کريکټ لوړپوړو چارواکو ويلي دي چې که چیرته طالبان په خپله خبره ولاړ پاتې شي، دوی به له افغانستان سره لوبه کنسل کړي.
د افغانستان نارینه ټيم اوس مهال په متحده عربي اماراتو کې د نړیوال شل اوریز جام په سیاليو کې خپلې لوبې کوي. خو کابل ته خبرداری ورکړل شوی که چیرته د نجونو ټيم ته د ښځو په راروان نړیوال جام لوبو کې چې په نيوزیلند کې دي، د ګډون اجازه ور نه کړي، له نړيوال بنديز سره به مخ شي.
د افغانستان کپټان محمد نبي هیله مندي ښکاره کړې چې دواړه هیوادونه لا هم په ګډه د افغانستان د کريکټ د پرمختګ له پاره کار وکړي. نبي وويل: «دا ناهیلې کونکې ده چې سږکال د تیست لوبې پر مخ لاړې نه شي. خو زه خوښ يم چې لوبه صرف ځنډول شوې ده، نه دا چې کنسل شي.»
نبي په روان نړیوال جام کې د افغانستان د ملي سرود غږولو پر وخت اوښکې توېې کړې چې د خلکو ډير پام وروګرځيد. هغه تر اوسه هڅه کړه چې د سیاسي پوښتنو له ځوابولو څخه ډډه وکړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.