د کډوالو د نړیوال سازمان مشر په راروان ژمي کي د افغانستان د خلکو د مهاجرتونو او مصیبتونو له زیاتیدو څخه خبرداری ورکړی او له نړیوالي ټولني څخه یې افغانانو ته له سخاوته ډکو مرستو د ورکولو غوښتنه کړې ده.
د کډوالو نړیوال سازمان ویلي دي چي د ژمي د یخني په رارسیدو سره، د مهاجرتونو او خلکو د ناخوالو د زیاتیدو خطر موجود دی. د نوموړي سازمان عمومي منشي، انتونیو ویتورینو د پنجشنبې په ورځ په ژنیو کي وویل چي د خلکو د لومړنیو اړتیاوو د پوره کولو له پاره، د لوږي او یخنۍ په وړاندي مقابلې ته ډیر وخت نه دی پاته. هغه په اندیښنې سره ویلي چي په اوس وخت کي دغه هیواد د سقوط په درشل کي دی.
د کډوالو د نړیوال سازمان د رپوټ له مخي، په افغانستان کي شاخوا پنځه نیم میلیونه انسانان د داخلي کډوالو یا بې سرپناه په توگه ژوند کوي.
تر۶۷۰ زرو اضافه کسان په روان کال کي د خپلو کورونو پریښودو ته مجبوره سوي دي چي ۶۰ سلنه یې کوچنیان دي. په داسي حال کي چي ډېر کسان هڅه کوي خپل هیواد پریږدي، په تیرو څو میاشتو کي بیا څه د پاسه یو میلیون کسان له ایران او پاکستان څخه بیرته افغانستان ته ستانه سوي دي.
د کډوالو د نړیوال سازمان «آی او ام» مشر افغانستان ته تر دوه ورځني سفر وروسته وویل: «د دغه هیواد له نیمايي څخه اضافه اوسیدونکي د لازمو غذايي موادو په پیدا کولو کي له ستونزو سره مخامخ دي.»
د ویتورینو په خبره، کافي غذا ته نه لاس رسی، د سؤ تغذي مشکل په تیره بیا په کوچنیانو کي د پام وړ سطحي ته لوړ کړی دی. له ۸۰ سلنه څخه ډیرو هغو افغانانو چي د نوموړي سازمان له خوا پوښتل سوي، ویلي دي چي خپل ټاټوبي یې له لاسه ورکړي دي. په میلیونو کسان د ژوند کولو په ډېر نامناسب ځای کي شپې او ورځي سبا کوي.
د کډوالو د نړیوال سازمان د اټکلونو پر اساس، د افغانستان شاوخوا ۷۰ سلنه اوسیدونکي په دغه هیواد کي د وچکالۍ او سیلابونو له عواقبو څخه اغیزمن سوي دي. ویتورینو ټینگار کړی دی چي په افغانستان کي د یوه بشري ناورین څخه د مخنیوي له پاره د«نړیوالي ټولني له خوا پاملرني او له سخاوته ډکو مرستو» ته سخته اړتیا لیدله کیږي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.