د کرونا وبا سره د مبارزې له پاره تر اوسه پورې یوازې وقایوي واکسینونه شتون لري، خو دغه وضعیت به زر بدل شي. تر میرک وروسته اوس د فایزر کمپنۍ یو ډول ګولۍ هم د لابراتواري آزموېنې په وروستي پړاو کې دي او پایلې یې هم مثبتې دي.
په آلمان کې د کرونا پر ویروس د اخته کسانو شمیر یو وار بیا زیات شوی دی. چارواکو دا د کرونا وبا څلورمه څپه بللې ده.
د کووید ۱۹ د علاج له پاره د امریکایي درمل جوړونې کمپنۍ فایزر ګولۍ په لابراتواري آزموېنو کې ډیره ښه نتیجه ورکړې ده. فایزر کمپنۍ دا د کرونا وبا ضد مبارزې په برخه کې ډیر پرمختګ بللی دی. د فایزر کمپنۍ د دې ګولۍ نوم «پيکس لووډ» دی.
د لابراتواري آزموېنې په پړاو کې دې درملو وکولی شول چې د کووید ۱۹ ناروغانو د وضعیت د داسې خرابیدو مخه ونیسې چې په پایله کې یې ناورغ باید په روغتون کې بستر شي او یا مړه شي. د معلوماتو له مخې د دې دارو پایلې ۸۹ سلنه بریالی شوی دی.
تر دې دمخه د میرک په نامه د یوې کمپنۍ ګولۍ هم د کووید ۱۹ د درملنې له پاره موجودې وې. د میرک ګولۍ په اصل کې د ریزش او زکام ګولۍ دي چې اوس په نوي نوم ورته مارکیټنګ یا تبلیغات کیږي.
خو د فایزر ګولۍ یوازې د کووید ۱۹ ناروغۍ د درملنې له پاره جوړیږي. په اوس وخت کې دغه ګولۍ د کلینیکې آزموېنې په وروستي پړاو کې قرار لري او کمپنۍ یې ویلي دي چې د آزموېنې له پاره یې لا زیاتو کسانو ته اړتیا لري تر څو دغه درمل ورباندې وآزمويي.
د کمپنۍ په حواله د درملو د آزمایښت پایلې به زر د خوراک او درملو امریکایي ادارې (FDA) ته وسپارل شي.
د دې لابراتواري ازموېنې په لړ کې د شمالي او سویلي امریکا، اروپا او آسیا څخه د ۱۲۱۹ ناروغانو معلومات ارزول شوي دي. په ناروغانو کې د کووید ۱۹ د علایمو تر څرګندیدو وروسته ځینو ته یې د «پيکس لووډ» ګولۍ ورکړل شوي او یو شمیر نورو ته یې بیا نه وې ورکړل شوې.
دغه درمل د ۱۲ ساعتونو په وقفې کې د پنځو ورځو له پاره هغو ناروغانو ته ورکول شوې وې چې کومه بله دوا ورته نه وه ورکړل شوې. هغو کسانو ته چې دغه ګولۍ ورکړل شوې وې یو یې هم نه دی مړ شوی.
د امریکا ولسمشر جوبایدن اعلان کړی دی چې حکومت د دې نوي درملو د څو میلیونه دوزه (خوراکه) فرمایش ورکړی دی. د هغه په خبره د کرونا وبا سره د مقابلې په برخه کې دا یوه ښه وسله ثابتیدلې شي.
اوسمهال د میرک او فایزر سربیره سویسۍ کمپنۍ «روشی» هم د کرونا ضد درملونو پر جوړولو کار کوي چې اوس لا په آزمایشي پړاو کې دی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.