امريکا متحده ايالات غواړي چي دغه هيواد ته د افغانانو د کډوالۍ په برخه کې آسانتياوي رامنځته کړي. په تيرو مياشتو کي په لسونو زره افغانان متحده ايالاتو ته رسېدلي دي.
د امريکا متحده ايالاتو د وطن ساتنې يا داخله وزارت د دوشنبې په ورځ (۲۰۲۱م کال د نوامبر ۸) اعلان وکړ چي افغان مهاجرو ته به و امريکا ته مهاجرت آسانه کړي. ياد وزارت ويلي دي چي تقرياً ۷۰ زره هغه افغانان چي د جولای مياشتي له ۳۰ مې نېټې راهيسي امريکا متحده ايالاتو ته رسېدلي دي، هغوی ته به د اقامې، ګرين کارډ، د کار اجازه او نورو اسنادو په لاسته راوړلو کي آسانتياوي برابري کړي.
د ياد وزارت په وينا ياد پروګرام چي د «ټلوالو ښه راغلاست» په نوم تمويليږي د نورو آسانتياؤ تر څنګ دا هم په پام کي لري چي افغان کډوالو ته د پروسو د جريان له پاره اړين هغه فيسونه معاف کړي چي په زرونو ډالره کيږي.
د کورنيو چارو وزير اليخاندرو مايورکاس ويلي دي چي د امريکا متحده ايالات د پروسو د آسانه کولو او د مصارفو د معافولو په ترڅ کي د خپلو افغان ټلوالو سره مرسته کول غواړي چي «زموږ په هیواد کي ژر ځانته نوی ژوند جوړ کړلای سي.» نوموړي په افغانستان کي د امريکا متحده ايالاتو د شل کلن ماموريت پر وخت د ځايي همکارانو و «با ارزښته همکارۍ» ته اشاره وکړه.
له افغانستان څخه د بهرنيو عسکرو د را ايستلو تر پرېکړي وروسته د روان عيسوي کال په دوبي کي تر ۱۲۰ زرو زيات انسانان له افغانستان څخه و ايستل سول. په لسونو زره افغان ځايي همکاران او د هغوی کورنۍ لا تر اوسه په افغانستان کي بند پاته دي. هغوی د بهرنيو ځواکونو سره د افغانستان په ماموريت کي مرسته کړې وه او له دې کبله د طالبانو له غچ اخيستنې څخه اندېښنه لري. طالبان د اګست مياشت په نيمايي کي په افغانستان کي واک ته ورسېدل.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.