د بریتانيا د بهرنیو چارو وزارت وايي چې يو بريتانوی چې په افغانستان کې يې کار کاوه، د طالبانو له خوا نیول شوی دی. د فرانسې خبري آژانس وايي چې ياد وزارت ورته ويلي دي چې نیول شوی بريتانوی امنيتي مشاور دی.
د تیر دوبي موسم، طالبان په کابل ښار کې – د آرشیف انځور
د مئیرور په نوم ورځپاڼې د پنجشنبې په ورځ ناوخته رپوټ ورکړ چې ۵۰ کلن ګرنټ بایلي چې د یوې اينجو يا غيردولتي ټولنې له پاره يې د امنیتي مشاور په توګه کار کاوه، په کابل کې د طالبانو د یوه امنيتي عملیات پر مهال نیول شوی دی.
د بریتانيا د بهرنيو چارو وزارت ويلي دي: «موږ په افغانستان کې د یوه برتانوي تبعه د نيولو څخه خبر يو او د ملاتړ له پاره يې له کورنۍ سره په تماس کې يو.»
د فرانسې خبري آژانس ليکي چې دوی په دې اړه له طالب چارواکو سره په اړيکه کې شول، خو هغوی ورته سملاسي څه نه دي ويلي.
مئیرور ورځپاڼه د يوې امنيتي منبعې له قوله ليکي چې طالبانو بايلي د وسلې په زور نیولی او له هغه څخه يې په وروستي ځل د شنبې په ورځ يو څه اوريدلي وو. د بایلي په اړه انديښنه ښودل شوې چې هغه به په کابل کې بندي شوی وي.
امنيتي منبعې زیاته کړې ده چې بايلي په افغانستان کې ډير کلونه تیر کړي او هغه په اګست میاشت کې له افغانستان څخه د غربي ځواکونو او ديپلوماتونو تر وتلو څو اوونۍ وروسته بیرته افغانستان ته خپل کار ته وګرځيد.
برتانوي ځواکونه د اګست مياشتې په وروستيو کې د طالبانو د هغه ضرب الاجل پر اساس چې باید ټول بهرني ځواکونه د اګست مياشتې تر پايه افغانستان پریږدي، له افغانستانه ووتل.
د فرانسې خبري آژانس ليکي چي بايلي د خپلو ډیرو تجربو پر اساس، په افریقا، منځنۍ اسيا او منځني ختيځ کې هم د یو ریسک منيجر يا خطر ارزونکي مدير په توګه دندې ترسره کړي چې په هغو کې په سومالیا کې د بریتانيا د سفیر له پاره کار کول هم شامل دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.