پر ټولنیزو رسنیو یوه داسې ويډیو خپره شوې چې ښيي طالبان له دوو محلي هنرمندانو سره توهین آمیزه برخورد کوي او د موسیقي آلې يې سوځوي. يو شمیر افغانانو پر ټولنیزو رسنیو د طالبانو پر دغې کړنې سختې نيوکې کړي دي.
انځور له آرشیف څخه
د آلمان خبري آژانس په حواله، د دغې ويډيو نيټه نه ده معلومه خو داسې ښکاري چې پيښه د پکتيکا ولایت په ځاځي آريوب ولسوالۍ کې رامنځ ته شوي وي.
خبرځای زیاتوي، په ويډيو کې د هنرمندانو شکیدلو جامو ته په کتو داسې ښکاري چې وهل ډبول شوي هم دي. په ويډيو کې دغه راز ښکاري چې طالبانو د هغوی د سر وريښتان هم قیچي کړي دي.
خو د طالبانو د امرباالمعروف وزارت ویاند محد صادق عاکف دویچه ویله آلمان غږ ته په یوه استول شوي غږیز پیغام کې دغه موضوع رد کړې او وايي چې دغه ویډیو حقیقت نه لري.
عاکف زیاتوي: « موږ له دې ویډیو وروسته څو ځله له سیمه ایزو چارواکو سره غږیدلي یو هغوئ یې کاملاً ردوي دا ویډیو د دوه دوه نیم کلنو مخکې ده.»
په دغه ويډیو کې یو کس چې څيره يې نه ښودل کیږي یو درول شوي محلی سندرغاړي ته وايي: «الله مو تباه کړه، الله مو غرق کړه.»
طالب جنګیاليو دغو دوو محلي هنرمندانو ته په عام محضر کې درولي هغوی په داسې حال کې چې د هغوی د موسیقي الاتو ته يې اور اچولې، سختې خبرې کوي او شاوخوا ولاړ خلک يې ننداره کوي، خاندې او ويډيوګانې يې اخلي.
وتلي افغان ژورنالیست، بلال سروري پر ټويټر ليکلي دي: «طالب جنګیاليو په ټول هیواد کې قانون په خپل لاس کې نیولی دی.»
د افغانستان د موسیقۍ ملي انستيتوت څخه احمد سرمست ويلي دي: «طالبان د افغانانو د حقونو او کلتوري آزدایو نقضولو ته ادامه ورکوي.»
هغه پر ټويټر ليکلي دي: «دغه ويډيو فرهنګ سره د طالبانو ضديت او د موسیقۍ له آلاتو سره د دغې ډلې توهین آمیزه چلند ښکاره کوي.»
سرمست چې د افغانستان د موسيقي ملی انستيتوت تمويل يې کړی، د طالبانو تر واکمنیدو وروسته د دغه انستيتوت له شاوخوا ۳۰۰ زده کونکو، استادانو او د هغوی د کورنیو له غړو سره بهر ته تللی دی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.