قطر له طالبانو سره د کابل له هوايي ډګر څخه په چارتر الوتکو کې د تخليې پروګرام پر ادامې یو توافق ته رسیدلی دی. رويترز خبري آژانس وايي چې دغه اکسيوس خبري ويب پاڼي د قطر د بهرنيو چارو وزير په حواله خپور کړی دی.
اکسیوس خبري ویب پاڼې د قطر د بهرنيو چارو له وزیر، شيخ محمد بن عبدالرحمن آل ثاني سره د کړې مرکې رپوټ د سه شنبې په ورځ خپور کړی دی. آل ثاني دغه مرکه د دوشنبې په ورځ په واشنګټن کې د خپل رسمي سفر پر مهال کړې ده.
د رويترز په حواله د طالبانو او قطر تر منځ د شوي توافق له مخې به په هره اوونۍ کې له افغانستان څخه دوه پروازونه د قطر هوايي شرکت په چارتر الوتکو کې ترسره کيږي. همدارنګه امریکا متحده ایالات او نورو هیوادونه به هم اجازه ولري چې په افغانستان کې خپل پاتې اتباع او له ګواښ سره مخامخ په زرونو په شرایطو برابر افغانان بهر ته وباسي.
د قطر حکومت یوه لوړپوړي چارواکي د جنوري پر ۲۷مه رويټرز ته ويلي ول چې قطر له افغانستان څخه په خپلو چارتر الوتکو کې د تخليې ماموریت ته تر دوه میاشتني توقف وروسته بیرته ادامه ورکوي.
تر دې وړاندې د قطر او طالبانو تر منځ پر دې مسئله چې کوم کسان د تخليې په پروګرام کې د سفر اجازه لري او شامل وي، اختلاف رامنځته شوی وو چې له دې سره قطر د دسمبر میاشتې په اوايلو کې د تخليې ماموریت متوقف کړ.
اکسیویس خبري ویب پاڼې د قطر د بهرنيو چارو وزیر له قوله دا هم ويلي دي چې له آریانا افغان هوايي شرکت سره هم په اوونۍ کې د یوه پرواز پر سر خبرې اترې روانې دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.