د پولند صدراعظم ويلي دي چې هیواد يې غواړي د اوکراین له نا آراميو څخه په لوی شمیر کې مهاجر ومني. پولند تر دې مخکې دا هم ويلي وو چې په اوکراين کې د ټپي شوو کسانو انتقال او په روغتونو کې یې د درملنې له پاره تیاری نيسي.
د پولند صدراعظم، ماتئوش موراویه تسکي په دې اړه ويلي دي: «موږ به هغو کسانو ته پناه ورکړو چې اړتيا ورته لري.» هغه دغه خبرې، فونکه رسنيزې ډلې ته کړي او دغه راز د اویست فرانس په نوم فرانسوۍ ورځپاڼۍ د خپلې يکشنبې ورځې په ګڼه کې خپرې کړي دي.
موراويه تسکي ټینګار کړی دی چې «پولند تیار دی له اوکراین څخه په لسونو زره، سلونو زره مهاجر ومني.»
آلمان خبري آژانس (dpa) د پولنډ حکومت له قوله ليکي چې د پنجشنبې ورځې راهیسې چې روسيې پر اوکراين يرغل کړی، پولند ته له ۱۱۰ زرو څخه ډير اوکرايني مهاجر رسیدلي دي.
تر دې مخکې د جمعې په ورځ د پولند د عامې روغتيا وزارت ويلي وو چې د اوکراين په ناکراریو کې د ټپي شوو کسانو درملنې ته تیار دي. دغه وزارت ويلي وو چې د زرونو ټپي ناروغانو له پاره روغتونونه لري او دغه راز یو روغتيايي سیار اورګاډی هم چمتو کوي تر څو له سرحده ټپيان انتقال کړي.
پولند څو مياشتې مخکې خپل شرقي سرحدونه وروسته له هغې وتړل چې د ګاونډي هیواد بلاروس یا سپینې روسيې څخه ورته غیرقانوي مهاجر اوښتل. دغه مهاجر چې شمیر يې په وروستيو کې ډیر زیات شو، د افغانستان، سوريې او عراق په څیر نا امنه هیوادونو ښودل کیدل چې غوښتل يې ځانونه د اروپايي اتحاديې غړو هیوادونو ته ورسوي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.