دا چاودنې ګهیځ وختي د ”عبدالرحیم شهید ” په نامه لیسه کې شوې دي

دعوت میډیا ۲۴(سه شنبه/۳۰ وری/۱۴۰۱):

ویل کیږي لومړۍ چاودنه د ممتاز ښوونیز مرکز ته څېرمه شوې او بله چاودنه د عبدالرحیم شهید لېسې مخې ته هغه مهال رامنځ ته شوې چې زده کوونکې له ښوونځي څخه د رخصتېدو په حال کې و
چې د عبدالرحیم شهید لېسې پر زده کوونکو برید کې بیا کابو ۲۰ تنو ته مرګ ژوبله اوښتې ده.
همدارنګه د ممتاز ښوونیز مرکز پر زده کوونکو چاودنه کې ۶ تنه وژل شوي او ۱۰ نور ټپیان دي.

د کابل امنیې قومندانۍ ویاند خالد ځدراڼ بیا پر ټویټر پاڼه لیکلي نن غرمه ۱۰ بجې دی اتلسمې حوزې اړوند د عبدالرحیم شهید د ليسې مخې ته په بيلابيلو چاودنو کې زموږ ۶ تنه هيوادوال په شهادت رسیدلي او ۱۱ نور ټپیان شوي.
سیمې ته زموږ امنیتي ځواکونه رسیدلي او د پېښې په اړه پلټنې روانې دي.

د عامې روغتیا وزارت وايي، د کابل د نننیو بریدونو له کبله د عامې روغتیا وزارت اړوند روغتونونو ته ۵ جسدونه او ۲۰ ټپیان ور وړل شوي دي.

مخکېني ولسمشر حامد کرزي د کابل ننني برید په غبرګون کې دا برید بشر ضد جنایت بللی او ویلي یې دي چې دا کړنه په هېواد کې له ښوونې سره ښکاره دوښمني او له لوستي نسل ډار ښي

د مخکېني حکومت د مشرانو جرګې مشر فضل هادی مسلمیار
په ښوونځیو او زده کوونکو بریدونه لوی وحشت، جبر او ظلم بللی او په هېڅ ډول د توجیه وړ نه دي

د مخکېني ولسمشر ارشد مشاور ضیاوالحق امرخیل دغه پېښه غندلې او ویلي دي
‏موږ که د هر مذهب او قام یو، واحد وجود یو
تعلیم رڼا ده،دښمن زموږ له رڼا ویریږي؛خو هیڅکله به دا څراغونه ګل نشي
ټولو دردمنو کورنیو ته تسلیت ویلی

جنرال مبین خان هم دغه پېښه تأیید کړې ده او زیاته کړې ده چې د چاودنو له امله زموږ هيوادوالو ته تلفات اوښتي .
د کابل لوېدیځ کې چې ډېری اوسېدونکي یې شیعه ګان دي، له دې مخکې هم ددې سیمو پر تعلیمي مرکزونو بریدونه شوي دي.

راپور : سیما مایار