روژتۍ لنډۍ- شپـږمه برخه

زړگی مې داسې راته وايي

چې روژه پرېـږده، یار دې واړوه ترغرونه

 

توان مې و، روژه مې نه وه

د طالب جان پر ضد بوزه پر بوزه ومه

 

پراټې واخله رانه لاړ شه

ته خو روزه خورې، ما پر تا حلالوینه

د دې برخې لپاره مې د روژتیو لنډیو دا نوې بېلگې پیداړې دي او په دې برخه کې یې له تاسو درنو لوستونکو سره شریکوم:

څه مې راوړي ور وهمه

ستا په دیدن باندې روژه نه ماتومه

 

ما روژه مات ته څه راوړي

که ته راووزي همدا اوس یې ماتومه

 

ته خو بوزه یې زه پوهېـږم

ما په منگي کې پراټې راوړې دینه

 

توان مې و، روژه مې نه وه

د طالب جان پر ضد بوزه پر بوزه ومه

 

پراټې واخله رانه لاړ شه

ته خو روزه خورې، ما پر تا حلالوینه

 

زما دې زړه ذرې، ذرې شي

روغه روژه کې په مخ ولې زه درتلمه

 

زما روژه دې کړله ماته

ما دې خدای څنگه کړي چې تاسې کره تلمه

 

زما دې زړه ایرې، ایرې شي

غوټه روژه کې مې ستا سوچ ولې کاونه

 

پرتا دې خدای اورنه بل کړي

سمه روژه کې په مخ راغلې، مړ دې کړمه

 

زما دې نیمه روژه وسوه

چې له کړکۍ نه دې نیمکښ راوکاتنه

 

روژه خرابه شوله لاړه

ستا په دیدن باندې خراب شول ثوابونه

 

که ثواب غواړې دیدن مه کړه

د روژې میاشت ده دیدن ډېر څه ورانوینه

 

زه پرواگیر د روژې نه یم

زما په کار دي تش له لرې دیدنونه

 

ته زړور یې نه ډارېـږي

که درسره وي په هرپل کې گناهونه

 

دیدن کوه زه پرې خبر یم

چې په روژه کې شیطانان کوي خوبونه

 

دومره له ډار سره ژوند مه کړه

دېرشو روژو کې خدای رالېـږي ثوابونه

 

زما دې سوي رنگ ته گوره

لس روژې پاتې دي چې نور به څه کومه

 

لکه دا رنگ زړگی مې سوی

پاتې روژو کې به یې نور هم تورومه

 

سږ روژې تک تور چواړی کړم

باور مې نه شي چې به خپل رنگ خپلومه

 

زړگی مې داسې راته وايي

چې روژه پرېـږده، یار دې واړوه ترغرونه