د امربالمعروف او نهی عن المنکر وزارت: کومې ښځې که حجاب ونه کړي، احضار او بندیانې به شي

دعوت میډیا ۲۴( شنبه/۱۷ ثور/۱۴۰۱): د ا.ا.ا د امربالمعروف او نهی عن المنکر وزارت نن ورځ په خپلې نوې تګلاره کې ویلي، چې حجاب فرض او ضرور دی او باید ټولې ځوانې ښځې یې مراعات کړي. دغه وزارت یادونه کړې،چې د هېواد ۹۹ فیصده ښځې حجاب کوي، پاتې نورې یې هم باید عملي کړي.

یاد وزارت د حجاب د عملي کولو لپاره ۲ قدمونه په لار اچولي دي چې په لومړي قدم کې به د رسنیو او منبرونو له لارې د حجاب ګتې بیان او د بط حجابۍ زیانونه به خلکو ته وښودل شي. همدا ډول په هغو ځایونو کې چې ډېر خلک جمع کېږي په اعلاناتو په ډول به په دېوالونو لنډې جملې چې د حجاب په اړه وي ولیکل شي.

دویم قدم بیا په شپږو برخو کې ځای په ځای شوی دی، چې په اوله کې یې راغلي: د بې حجابه مېرمنو کورونه به په نښه شي او د هغو سړیو ته به توصیه او تنبیه وشي. د همدې قدم په دویمه برخه کې بیا راغلي که چېرط ښځې بیا هم حجاب ونه کړي نو د یاد وزارت ریاست ته به احضار کړل شي.

د دویم قدم په درېمه برخه کې بیا راغلي چې د احضار څخه وروسته به ښځې درې ورځې حبس کړل شي او که چېرې د امارت کې کارکوونکي ووسي او حجاب ونه کړي نو د وظیفې څخه به لرې شي.

د یاد په دغې نوې تګلاره کې یادونه شوې، چې که د هر کارمند چې د امارت سره دنده لري او د کور ښځې یې حجاب ونه کړي نو دغه کارکوونکی به خپله دنده د لاسه ورکړي.