کمکی اتل خلیل ارسلاني د دعوت سره په مرکه کې

کمکی اتل خلیل ارسلاني  پر خپل پاکستاني حریف له بریا وروسته د دعوت میډیا ۲۴ سره په مرکه کې:

 ډیر د خوشحالي احساس لرم، خوشحاله یم چې د وطن لپاره مې بریا خپله کړه

د خلیل ارسلاني سره د پتانه’ژوند’ د ورزش له ډګره مرکه

پتانه ژوند: کمکی ځوان. تاند ورزشکار’خلیل  ارسلاني’ صیب. بریا دی درته مبارک وي زموږ او د دعوت رسنیز مرکز له طرفه. ویاړو په داسي ځوانانو.
که لومړی سر کې راته ووایاست ننۍ لوبه مو څنګه وه او څرنګه مو وکولای شوای په څو رونډونو کې مو خپل پاکستاني سیال ته ماته ورکړۍ ؟
خلیل ارسلاني: مننه خورې: په دریم  روند کی مه خپل حریف مات کړ.

پتانه ژوند: تاسو مخکې له دې نه چې پاکستاني سیال ته ماته ورکړۍ کومو نورو بهرني سیالانو سره مخ شوي وی یا مو ماته ورکړې وه؟

خلیل ارسلاني:نه دا زما اوله لوبه وه.

پتانه ژوند: راتلونکې کې د نورو لوبو اراده لرئ که لرۍ د چاسره او کله؟
خلیل ارسلاني: هو آینده کې به مسابقې لرم خو معلومات نشته چې له چاسره به وي.

پتانه ژوند:mد لوبو لپاره کله بهر ملک ته تللی یاست یا د وطن نه بهر مو په بهرني میدانو کې لوبې کړي؟
خلیل ارسلاني: نه بهر ته نه یم تللی د لوبی له پاره.

پتانه ژوند: کوم کمبربند چې چې په تصویرونو کې ستاسو په اوږه ښکاری چیرته او کله مو اخیستی دا سي نور میډالونه او کمربندونه مو هم اخیستي. یعني نوري کومې لاسته راوړني لری؟
خلیل ارسلانی:ما په افغانستان کې( خورې ) له 30‌ لوبو نه زیاتی کړې دي کمربند’ مدالونه’ کپونه ‘هرڅه لرم.

پتانه ژوند: لوبو او ورزش ته مو څرنګه مخه کړه. استاد مو څوک وو او د چا تشویق وو درسره وو؟
خلیل ارسلاني: دا فری فایت لوبي ته مه په دې مخه کړه چې ښه لوبه ده او د ورور مې’ خیرالله ارسلاني ‘او فامیل تشویق راسره دی.

پتانه ژوند:  که خپل د خوشحالي احساس د وطنوالو سره شریک کړئ څه احساس لرۍ؟
خلیل ارسلاني: ډیر د خوشحالي احساس لرم خوشحاله یم چې د وطن لپاره مې بریا خپله کړه.

پتانه’ژوند: مننه څه پیغام لری نویو ځوانانو ته کوم چې ستاسو په څیر ورزشکاران دي او هغه چې غواړي لوبغاړي شي؟ او  هم خپلو سیالانو ته چې غواړې راتلونکې کې ورسره لوبه ولرۍ څه ویل ورته غواړي ووایې؟ مهرباني:
خلیل ارسلاني: نورو ته مې پیغام دا ده چې  درسونه ووایي تمرین وکړي .
خپلو سیالانو ته مې ویل دا دي چې زه همیشه آماده یم زحمت وباسم کوشش کوم او تاسو ته ماتې درکوم.