د افغانستان په مختلفو سیمو کې وروستیو اورښتونو، سیلابونو او زلزلې مالي او ځاني زیانونه اړولي دي

د افغانستان په مختلفو سیمو کې وروستیو اورښتونو، سیلابونو او زلزلې مالي او ځاني زیانونه اړولي دي.

د حوادثو سره د مبارزې وزارت معین شراف الدین مسلم د معلوماتو ورکولو پر مهال په یوې مرکې کي ویلي چې په اته ولایتونو کې سیلابونه راغلي دي، ۱۰ تنو هیوادوالو خپل ژوند له لاسه ورکړی دی، یو شمیر ټپیان دي، ۵۰۰ کورونه ویجاړ شوي، په لسګونو کیلومتره سړک له منځه تللی دی، د ۳۵۰۰ شاوخوا جریبه زراعتي ځمکه او حاصلات لمنځه تللي دي، او زر سره مواشي لمنځه تللي دي.

نوموړي ونه ویل چی په کومو ولایتونو کې دغه تلفات را منځته شوي دي، خو د پرون راهیسي د افغانستان په ځینو شمالي ولایتونو کې بارانونه او واوري شوي دي.

بلخوا تیره شپه نسبتا زوروري زلزلې د افغانستان یو شمیر ولایتونه لړزولي دي.

د پکتيکا د ګيان ولسوالۍ د اوسيدونکو په وينا، چې د بيګاه شپې د زلزلې له امله پدې ولسوالۍ کې د مړو شمير له سلو اوښتی دی.
بل خوا له سپېرې ولسوالۍ د سيمې خلکو  ویلي، خوست سپیرې ولسوالۍ افغان دوبۍ کې دلیوې لسم کنډک سره نږدې یو کلی نړیدلی تردې مهاله د(۱۵) تنو شهیدانو جسدونه موندل شوي.
دوی وايي بد حالت دی او اړينو مرستو ته اړتيا لري.

د امریکا د جیولوجیکي سروې ادارې د معلوماتو سره سم ددغې زلزلې مرکز خوست ولایت ته نیژدې د پاکستان اړخته وو، خو تکانونه یې په کابل، غزني، پکتیا او پکتیکا په شمول ځینو نورو ولایتونو او پاکستان اړخ ته هم محسوس شوي دی.