ا.ا له ايران سره د ۳۵۰ زره ټنه نفتي توکو د پیرلو تړون لاسلیک کړ
د افغانستان د نفتو او ګازو دولتي شرکت له ايرانه ۳۵۰ زره ټنه نفتي توکي هېواد ته واردوي. د ماليې وزارت وياند احمدولي حقمل وايي، وروستیو کې د نفتو او ګازو تصدۍ، ماليې، بهرنيو چارو او سوداګرۍ وزارتونو، د افغانستان بانک او سټنډرډ ادارې يوه ګډ پلاوي له ايرانه د نفتي توکو د واردولو په موخه هغه هېواد ته سفر کړی و. د حقمل په خبره، دې سفر کې له ايرانه ۳۵۰ زره ټنه نفتي توکي پېرل شوي چې ډير ژر به يې هېواد ته د را لېږدولو بهير پيل شي. د ماليې وزارت ويلي چې يادو نفتي توکو په را رسېدو سره به په بازارونو کې د تېلو بيې را ټيټې شي. د ماليې وزارت وايي، پلاوي له ايراني لوري سره پر دې هم هوکړه کړې چې تر دې وروسته به يوازې پر هغو افغان سوداګرو نفتي توکي پلوري چې د ا.ا له لوري ور پېژندل کيږي. وروستيو کې د هېواد په بازارونو کې د تېلو بيې د پام وړ لوړې شوې چې سوداګر يې لامل په بازارونو کې د تېلو کمښت بولي. دوی وايي، په سلګونو ټانکر يې په ګمرکونو کې ولاړ دي او ا.ا بازارونو ته د ننوتلو اجازه نه ورکوي. حکومت بازارونو ته د يادو ټانکرو د ننوتلو د مخنيوي لامل، د بې کيفيته تېلو د وارداتو مخنيوی بولي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.