ځينې خلک ولې ژر غوسه کېږي

ممکن هغه کسان ستاسو له پامه ډېر بد راځي، چې په یوه کوچنۍ یا هم عادي او یا به هم په غټه موضوع احساسات بایلي او ژر غوسه کېږي.

دوی دومره ژر احساساتي کېږي، چې بې اختیاره لاسونه خلاصوي، نارې وهي او په لوړ غږ خبرې کوي. دا خلک چې ژر غوسه کېږي، بدن یې رپي، لاسونه او پښې یې بې واکه شي. ژبه یې درنېږي او آن دا چې له سترګو یې ممکن بې اختیاره اوښکې وبهېږي، هم دا چې په ژړا پیل وکړي.

تاسو باید وپوهېږئ، چې داسې کسان ډېر د نري زړه خاوندان دي.

دوی په ژوند کې ټوله حوصله بایللې وي، څو ــ څو ځلې یې زیان موندلی وي، ماتې یې خوړلې وي.

یا خو یې په خپل ژوند کې داسې سحنې لرلې وي، چې هغه یې دردولی وي، یا به یې هم د سترګو پر وړاندې د نورو سره شوې نا دودې ننداره کړې او تجربه کړې وي.

تاسو ممکن داسې کسانو پورې وخاندئ، ممکن وه یې رټئ، ممکن نور یې هم احساساتي او خفه کړئ، خو په دې کار سره به تاسو د یوه دردېدلي انسان ازار واخلي.

تاسو به د داسې یو کس زړه مات کړی وي، چې څو ــ څو ځلې یې مخکې هم زړه مات او ژوند له ګواښونو تېر شوی وي.

دا ډله کسان زیاتره یې په مینه کې ناکام شوي دي. ځکه یې زړونه بې اندازې نري دي. که دوی یوه ډېره کوچنۍ خواشینې کوونکې سحنه وګوري هم پر مخ به یې اوښکې را ماتې وي.

پوهېږئ چې دا ډله خلک څوک او څنګه خاصلتونه لري؟

دا د انسانانو تر منځ تر ټولو صادق خلک دي.

دوی په زړه نري او په ایمان قوي خلک دي.

دوی دوکاماران او فرېب کاره نه دي.

دوی منافق نه دي، په زړه او خوله به یوه خبره لري.

دوی وعده خلاف نه دي.

دوی له هېچا هم د زړه ماتولو، دوکې او فرېب وېره او فکر نه کوي، ځکه نو د یوې وړې دوکې، تېروتنې او سزا زغم هم نه لري.

دوی چې څومره ژر غوسه کېږي، همدومره ژر په خوله کېږي هم. داسې خلک په خپل ژوند کې له لاسه ما ورکوئ. زړونه یې وساتئ او هېڅکله یې له احساساتو سره لوبې مه کوئ.