د کرکټ اسیا جام؛نن د پاکستان او هانګ کانګ لوبډلې له یو بل سره ولوبیږي

د کرکټ اسیا جام؛نن د پاکستان او هانګ کانګ لوبډلې له یو بل سره ولوبیږي

د اسیا جام شل اوریزو سیالیو په لړ کې نن د پاکستان او هانګ کانګ لوبډلو ترمنځ سیالۍ ترسره کیږي. په اسیا جام کې شپږ لوبډلې د یو بل پر وړاندې لوبېږي چې په الف او ب ګروپونو وېشل شوې دي. پاکستان، هند او هانکانګ هغه لوبډلې دي، چې په الف ګروپ کې ځای لري. په دې ګروپ کې هند خپلې دوه لوبې ګټلي، چې په لومړۍ لوبه کې پاکستان او په دویمه لوبه کې هانګ کانګ لوبډلې ته يې ماتې ورکړې ده. په ب ګروپ کې بیا افغانستان، بنګله دېش او سریلانکا دي، چې افغان لوبډلې هم د هند په څېر خپلې دواړه سیالې لوبډلې ماتې کړې او دویم پړاو قوي څلور لوبډلو ته یې له هند وړاندې لار موندلې وه. په ب ګروپ کې افغانستان او سریلانکا دویم پړاو ته وتلې لوبډلې دي او په الف ګروپ کې بیا تردې دمه یوازې هند لوبډلې لار پیدا کړې ده، د پاکستان او هانګ کانګ لوبډلو ترمنځ به هم نن شپه معلومه شي چې کومه لوبډله دویم پړاو ته لار پیدا کوي. د ویلو ده که چیرته پاکستان نننۍ لوبه وګټي نو په خپل ګروپ کې به یو ځل بیا له هند سره مخامخ شي او له هغه ورسته به د ب ګروپ له لوبډلو سره سیالۍ ولري.