د تر ټولو تازه خپرو شوو ارقامو له مخې، د پاکستان تجارتي بانکونو کې هم یوازې ۵ اعشاريه ۸ ملیارډه ډالر موجود دي، چې په دې ترتيب په پاکستان کې دا وخت په مجموعي توګه صرف ۱۱ اعشاریه ۴ ميليارډه ډالر پاته دي. د چارو کارپوهانو په حواله، دغه مقدار پیسې چې ټولې يو ځای هم شي، نو یوازې د درو اوونیو وارداتو ورکړې ته کفایت کولی شي.
په کراچۍ کې د ټاپلاین سيکيورټي اقتصادي ناظر، محمد سهیل د پاکستان په ممکنه توګه له نیستۍ سره مخ کېدو ته په اشارې وويل چې «دا ډير یو سخت وضعیت دی. که چېرته وضعیت همداسې خراب وي، نو پاکستان د خپلو پورونو په حساب، ېوې نوې سازمان ورکونۍ ته اړتیا ده.»
د پاکستان اقتصاد، د دغه هیواد د مخ په ډيریدونکي سیاسي بحران له کبله ورځ تر بلې د تباهۍ پر لور روان دی. د امریکايي ډالر په مقابل کې د پاکستانۍ کلدارې اررښت د څو لسیزو په مقایسه تر ټولو ښکته سطحې ته رالوېدلی، په داسې حال کې چې د توکو بېې هم آسمان پورته شوي دي. له بلې خوا په پاکستان کې تېرکال ويجاړونکو سيلابونو او د انرژۍ نړیوال بحران هم د دغه هېواد اقتصاد تر ډېر فشار لاندې راوست.
د پاکستان اقتصادي وضعیت څومره خرابېدلی شي؟
د پاکستان مرکزي بانک له خوا خپاره شوي اعداد او ارقام ښيي چې اوس د پاکستان په خزانه کې د یوکال مخکې شتمنۍ په پرتله صرف نیمايي اندازه پاتې ده. د شنونکو په حواله د دې اندېښنه موجوده ده چې پاکستان به ونشي کړي بهرنيو پورنو ادا او همدارنګه د درملو او خوراکي موادو په څير مهمو اشیاو د رانيولو له پاره پېسې تحويل کړي.
په کراچۍ بندر کې د سوداګرۍ مالونو د ليږد راليږد په زرونو کانټينرونه بند پاته دي، ځکه چې بانکونه د دې توان نه لري چې د بهرنیو اسعارو د ورکړې ضمانت وکړي. په دغو کانټينرونو کې خرابيدونکي خوراکي مواد او د لکونو ډالرو په ارزښت طبي وسايل هم شامل دي.
د پاکستان د طبي اشیاو د مراقبت ټولنې مشر، مسعود احمد وایي چې «د کراچۍ په یو لوی روغتون کې د وسایلو د کمښت له وجې له ېوې میاشتې راهیسې د سترګو عملیات ترسره کول بند دي.»
په پاکستان کې د عمران خان حکومت تر پای وروسته، واک شهباز شریف او د هغه اتحاد تر لاسه کړ. اوسني حکومت د سوند موادو سبسايډي هم لغوه کړه تر څو ېې له نړیوالو مالي ادارو څخه شپږ مليارده ډالره قرضه ترلاسه کړي وي، خو د دې باوجود اقتصادي بحران په خپل حال پاته دی. پاکستان تر اوسه د دغې کومکي قرضې نیمايي برخه ترلاسه کړې ده. پاکستان د پیسو وروستی قسط د تېرکال په اګست میاشتې کې ترلاسه کړ او د نوو قسطونو له پاره مذاکرات روان دي.
دوست هیوادونو څخه د پاکستان غوښتنه
محمد سهیل په دې اړه وايي، «اوس ټولې هيلې د پاتې پیسو له ورکړې سره تړلې دي.» پاکستان اکثره له سعودي عربستان او چین په څير دوستو هیوادونو څخه د مالي مرستې د ترلاسه کولو په لټه کې وي، خو د چارو کارپوهان وايي تر هغې چې پاکستان د پیسو نړیوال صندوق (IMF) څخه شين څراغ نه وي ترلاسه کړی، داسې ښکاري چې دغه دوه هیوادونه به هم پاکستان سره له مرستې کولو ډډه وکړي.
په دغو سختو حالاتو کې د پاکستان صدراعظم، شهباز شریف، د پنجشنبې په ورځ له خپل چيني سیال او د آې ايم اف اداري مشر سره خبرې کړي دي. بل خوا د پاکستان د پوځ مشر د جمعې په ورځ د سعودي عربستان په پلازمينه رياض کې وو. ويل کیږي چې هغه هلته د مالي مرستې د ترلاسه کولو له پاره تللی وو.
////////////////////////////////////////////////////////////////////////
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.