د اسلامي دولت نومې ډلې (داعش) د یوې خبرپاڼې په خپرولو سره کابل کې د پاکستان پر سفارت د شوي برید مسوولیت پر غاړه اخیستی دی. په خبرپاڼه کې راغلي چې یادې ډلې د پاکستان پر سفیر او ساتونکو یې وسلهوال برید کړی دی.
دغه برید د روانې لیندۍ میاشتې په یوولسمه نېټه شوی دی. له برید وروسته د پاکستان د بهرنیو چارو وزارت اعلان وکړ چې کابل کې یې سفیر عبیدالرحمان نظاماني له یوه وسلهوال برید روغ وتلی دی.
د پاکستان د بهرنیو چارو وزارت په خبرپاڼه کې ویل شوي چې د دغه برید موخه د پاکستان سفیر و، خو په وینا یې، نوموړي ته زیان نه دی رسېدلی او یو ساتونکی یې ټپي شوی دی. کابل د پاکستان پر سفارت شوي برید پراخ نړیوال غبرګونونه راپارولي دي.
د ملګروملتونو امنیت شورا، یوناما، د امریکا د بهرنیو چارو وزارت، کابل کې د ترکیې سفارت، قطر او ایران دغه برید غندلی او افغانستان کې یې د ډيپلوماټيکو بنسټونو د امنیت د ټينګښت غوښتنه کړې ده.
د ملګروملتونو امنیت شورا په یوې خپرپاڼه کې کابل کې د پاکستان پر سفارت شوی برید «ترهګریز» بللی او هغه یې غندلی دی.
د ملګروملتونو امنیت شورا غړیو په خبرپاڼه کې له ټولو ښکېلو اړخونو غوښتنه کړې چې د ملګرو ملتونو سازمان د غړیو هېوادونو ډيپلوماټیکو ځایونو او پرسونل خوندیتوب ته درناوی ولري.
د افغانستان د بهرنیو چارو وزارت هم دغه برید غندلی او ویلي یې دي چې مغرضو کړیو ته به اجازه ورنه کړي چې ډيپلوماټیک ماموریتونو ته امنیتي ګواښونه پېښ کړي.
د بهرنیو چارو وزارت ویاند عبدالقهار بلخي ویلي چې د یاد وزارت سرپرست امیرخان متقي د پاکستان له بهرنیو چارو وزیر بلاول بوټو زرداري سره د دغه هېواد پر سفارت د شوي برید په اړه ټیلیفوني خبرې کړې دي.
متقي دې خبرو کې ډاډ ورکړی چې کابل کې به د پاکستان سفارت امنیت ته به ځانګړی پام وشي او د دغه برید د عاملانو د نیولو لپاره به خپلې ټولې هڅې وکړي.
د بهرنیو چارو وزارت ویاند د بلاول بوټو زرداري له قوله ویلي چې دغه شان بریدون د دواړو هېوادونو ترمنځ اړیکې نشي خرابولی او اجازه نه ورکوي چې په داسې اقداماتو کې بریالي شي.
پخواني ولسمشر حامد کرزي او د ملي مصالحې عالي شورا مخکینی رییس عبدالله عبدالله د یاد برید د غندلو ترڅنګ ویلي چې تر هر ډول شرایطو لاندې پر ډيپلوماټیکو بنسټونو بریدونه د توجیهې وړ نه دي.
د اسلامي امارت له بیاواکمنېدو راهیسې دا دویم ځل دی چې پلازمېنه کابل کې پر ډيپلوماټیکو بنسټونو برید کېږي.
دا چې ریښتیا به داعش دا برید کړی وی شننونکی ورته د شک په سترګو ګوري.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.