2 ساعتونه مخکې
د اوکراین پارلمان له خوا پر ټولنيزو رسنیو خپره شوې ېوه ويډيو کې ښکاري چې د خلکو يوه کوچنۍ ډله چې د خيرسون ښار په مرکزي چوک کې له اور څخه راچاپير ولاړ دي، د اوکراین ملي سرود زمزمه کوي.
د اوکراین ولسمشر، ولاديمیر زيلنسکي، پر ټيلګرام لیکلي دي چې «د ځانګړو ځواکونو قطعات د ښار منځ ته داخل شوي دي.» زيلنسکي يوه ويډيو هم خپره کړې چې پکې اوکرايني ځواکونه ښکاري چې د سیمې له اوسيدونکو سره راټول شوي دي.
د خيرسون په شاوخوا ۵۰ کيلومترۍ کې د روغتيايي څانګې يوه قوماندان، اندري ژولوب، وويل چې خلکو ورته په ورين تندي ښه راغلاست ویلی او ګلدوزي شوي روي پاکونه یا مخ پاکونه ېې ورکړي. هغه وويل: «موږ دغه روي پاکونه د خپلو موټرو د ښایست له پاره لګولي دي.»
دغه قوماندان د فرانسې خبري آژانس ته وويل: «موږ ماشومان لېدل چې موږ خوا ته ېې منډې وهلې او موږ ته ېې ستړې مشې ویل.»
خیرسون ته د نژدې ایالت ميکولایف والي، ويتالي کيم، وويل چې په سويل کې د کينبرن له دماغې پرته نوره ټوله سيمه بېرته د اوکراینيانو په کنټرول کې راغلې ده. میکولایف د اوکراین هغه سیمه ده چې روسي ځواکونو د ډيرو جنګونو سره سره ونه شوه نيولی.
کيم پر ټيلګرام ليکلي دي: «اوس دا رسمي ده: د میکولایف ټوله سیمه (له کینبورن پرته) آزاده شوې ده.»
امریکا متحده ايالاتو د شنبې په ورځ له روسانو څخه د خيرسون ښار د بېرته نيولو اقدام د اوکراینيانو د ېوې «فوق العاده بریا» په توګه ستایلی دی. د امریکا متحده ایالاتو د ملي امنيت سلاکار، جیک سيليوان وويل: «دا یوه ستره شیبه ده چې دلیل ېې د اوکراینينانو د نه منلو وړ وړتيا او مهارت دی، کوم چې د متحده ایالاتو او زموږ د شریکانو په ملاتړ کې شونې شوې ده.»
خو د اوکراین د بهرنيو چارو وزير، کوليبا خبرداری ورکړ چې کیف لا هم ويني چې «روسیه د خپلو عسکرو د بسیج کولو په حال کې ده او لا ډيرې وسلې اوکراین ته راوړي.»
هغه د استرالیا له صدراعظم، انتوني آلبانیز، سره د ېوې غونډې پر مهال له لويديځ څخه د ملاتړ د ادامې غوښتونکي شو. هغه زیاته کړه: «زه پوهیږم چې هر څوک غواړي چې دغه جګړه څومره چې ژر کيږي پای ته ورسیږي.»
تر دې وړاندې اوکراین ويلي وو چې روسي ځواکونو په خیرسون ښار کې د تلویزيون آنټن ویجاړ کړی او بريښنايي زيربناوې ېې په پراخه کچه ويشتلي او دغه ښار ېې په داسې حال چې برېښنا ېې نه درلوده، ترک کړی دي.
په رپوټ کې زیاته شوې چې اوکرایني ځواکونه اوس هڅه کوي چې د محلي شبکې تر ویجاړیدو وروسته اوس دغه ښار د اوکراین تلویزیون له نشراتو سره ونښلوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.